選科選2X係咪蝕底D?

想澄清一個常見既錯誤觀念，港大、中大及科大係三間非常巨型既大學，當中有非常多既學科之間完全互不關連。由於學系之間差異太大，所以上述三間大學只會有最起碼既入學要求，例如港大要求DSE申請者英文要有4級，以及至少修讀2X。除此之外，各學系間收生要求差距非常大，有不少學系入學分數無想像中咁高，如果樓主非入上述三大不可，就必須注意有邊D學系收生分數較低，然後選志願時放係較高位置。

香港各間大學只要求同學必須讀晒四科必修科及至少達到3322既要求，大部份JUPAS學系只要求同學修讀2X，我無聽過有學系硬性規定DSE申請者必須修讀3X。同學修讀3X一般係為左試讀不同科目，睇下啱唔啱自己，或讀多科保險D，令自己揀大學時有較大彈性。老實講，如果樓主讀書唔係咁叻，讀2X係最好既選擇，因為3X非常辛苦，而且讀多科有機會嚴重拖低其他科既表現，讀書升學牽涉到同學一生前途，樓主最好三思而行，唔好玩玩下咩都讀下。

至於揀大學，最緊要唔係睇是否入到嗰三間大學，首要考慮你想係邊方面發展。例如你想讀設計，你只可以揀理工，因為全港僅此一家，而且競爭極端激烈，你唔將佢擺係第一志願及公開試成績唔夠好完全唔駛唸。三大收生要求高既一般都係傳統熱門科目，如醫科、法律、會計等，其他科目收生成績會低D，但一般來講都比其他院校稍高。樓主最緊要唸清楚未來想做乜先，然後選適當既科目讀，跟住揀適合既學系，而唔係剩係揀大學。

JUPAS網址，有各大學學系多年來收生成績﹕

http://www.jupas.edu.hk/en/j4

其實係就係蝕底少少ga la, 但係如果你讀3X讀唔掂，我ge意見係揀2X啦。又或者你可以揀住3X先，發覺唔對路再drop一科啦