因為某件事令到自己放不開？(不是愛情)

你忍系解決吾到件事 ,

要勇於表達自己感受先得 ,

你忍得一次 , 佢地下次又系甘對你

加上你吾講出你感受 ,

人地又點了解你 , 點幫你呢

發生咩事都好 :

吾好自己一個人去面對 !

試下比我同你傾下，[email protected]

睇你放的分類，我諗可能係屋企人之間的事，只少肯定係你在乎的人！所以你會好在意佢地點諗，可能覺得自己冇錯而委屈，唔知估得啱唔啱，但我覺得你釋懷唔到應該大概係類似的原因！

我會覺得你成日諗住呢件事覺得唔開心，首先應該針對件事作出一啲舉動！如果件事未完全解決，有咩問題未傾好，大家關係未修補好，你應該坦誠咁面對左佢先！好似如果男女朋友之間有誤會，大家唔傾可能會屈左係心入面，耐左只會積聚埋怨同委屈，冇辦法釋懷，兩人之間的關係都修補唔到！你唔理佢地，一個人收埋咁喊只會更諗埋一邊，越喊越唔開心！你可以搵返同件事有關的人傾下，將你心中的委屈同唔開心講出嚟！如果真係無辦法開口，可以搵身邊相熟的朋友傾下呢啲心事，或者唔介意可以搵我地社工傾，因為有唔開心可能係無辦法改變，但同人呻下，都會冇咁屈住，會覺得舒緩啲！

但是，如果件事當時已經解決左，例如你地爭執已經平心靜氣咁傾好，只係件事過左你諗返都覺得有啲難過的感覺。咁我會建議你逼自己將件事放下。放低唔係話將件事忘記得一乾二淨，而係讓時間慢慢沖淡啲傷感。例如你可以去做下運動，或者玩你的興趣，做啲自己鐘意做的事，將活動填滿自己的時間表，冇咁多時間諗啲唔開心的事，只讓興趣將你開心的情緒停留！咁樣更容易釋放。

另外，你都可以去做下義工，做啲有意義的事，例如探下獨居老人、幫下窮困家庭，你會發覺可能自己一直放唔開的事係好渺小！

希望可以幫到你，歡迎你同我地夜貓大使同當值社工傾下，我地的MSN係[email protected]，或者facebook: [email protected]