一架M1A2可唔可以KO整個二戰德國裝甲團?

✔ 最佳答案

莫斯科兄你好。如果M1對住嗰幾個50x重戰營，重要打日戰，係正常情況M1A2 必須至少有一個營先至可以抵抗。

幾個50x重戰營既坦克十分變態，尤其係虎王坦克，據記載，呢架坦克既前裝甲係當時基本上不能穿透，對現代坦克炮來講仍然係好大挑戰。

不過當然M1先進過虎式坦克幾十年，虎式坦克幾重幾變態都好，佢無任何電子輔助瞄準設備，而且火炮口徑相對來講太細，肯定無法穿透M1既正面裝甲。另外，M1既越野能力比虎式戰車好太多，後者幾乎行唔到，M1只要輕鬆地行去虎戰車側邊一炮就可以擊毀佢。

雖然M1比虎式先進好多，但單靠一架打成個虎式重坦克團就太誇張，因為M1本身唔係無敵，佢既側面及後方裝甲唔係真係咁出色，幾架虎式可以先係正前方開炮吸引M1，然後搵幾架繞到M1側面或後面攻擊佢一樣搞店。只係如果M1數量夠多，虎戰車被迫要正面接戰M1，係火炮威力、瞄準系統及機動力全面大幅落後既情況下，M1一定贏，如果再加埋打夜戰，由於虎式完全無呢個能力，M1更係完全一面倒贏。

一架M1A2可唔可以KO整個二戰德國裝甲團?

回答 (2)