我同個朋友冷戰緊...係咪冇機會再做返FD...?

我有一個朋友(A)，佢係我best friend，我地都好重視大家，平時呃過交都好快好返。
件事係咁既；
我同A佢諗住出街，但係個日落雨，所以佢話星期六再出。
但係我星期六要返教會，我就話星期五啦，點知佢就話唔得，一定要星期六。
我問佢點解，佢就話冇解，佢想留係屋企。
我就覺得點解佢唔可以用自己hea既時間黎就下我???
於是我就嬲，鬧左佢幾句，佢就冇再應我機。

已經係第五日，我同佢已經冷戰左五日，平時我地一日就會好返。
其實我已經好後悔，當時我只係一時衝動，我想講sorry，但係又唔夠膽。
直至琴晚，我終於鼓起勇氣，whatsapp佢，同佢講聲愚人節快樂個d，
最後佢冇應到，我就覺得佢真係嬲左我。

佢冇del我facebook，又冇封我whatsapp，whatsapp個張icon係我整比佢，
佢冇換到，但佢又唔理我，我地係呢個假期入面呃交，都冇得見面，
遲啲返學，應該點樣面對佢丫-_-?
我真係好想同佢和好，但係我真係唔知點做，我睇得出佢之前係好重視我，
但依家唔知係咪喇T^T…