看了電影銅雀台, 為何曹操一路沒有殺獻帝稱帝 ??

Apple 妹妹(?)問左一個好問題。如果你睇多D三國，對曹操了解更多又隨著人愈來愈成熟，你一定會明白曹操不僅絕對唔會殺獻帝，更絕對一定唔會篡漢取而代之。因為曹操由細到大，直到死嗰日，生係漢朝官場人，死亦為漢朝官場鬼，漢朝係曹操一生唯一身份認同，佢要取而代之係過唔到自己良心一關。

坊間三國著作經常描寫曹操係一個無道德既奸險小人，呢樣野絕對係中國歷史上最荒謬既冤案之一。必須強調我本人唔覺得曹操係聖人，嗰個時代最好人既係劉備，但曹操作為一代梟雄，一定有佢過人之處。首先佢家勢顯赫，傳說佢既高祖就係漢朝開國功臣曹參，養父曹嵩係係漢朝太尉，位列至高無上既三公之一，係軍隊最高領導人，即係現代既國防部長！曹操一出世已經係顯赫既國防部長嫡長子，由B仔咁細個開始已經係漢朝不停出入，再加上佢地位高，所以佢對漢朝最高級文化有深刻了解及感情。

雖然曹操大有來頭，但家聲無幫佢好多，佢自己亦好少利用，只係試過因此而經推薦做個小官。年輕時既曹操係一個好有理想既年輕人，佢下令管治既地方要宵禁，有一個超級大官路過唔聽話，佢可以親自當眾打人作懲罰(即係廣為人知既“打督郵”)。曹操連權貴都敢得罪，當然亦因此無得撈。但佢係一個非常有前途及Guts既好青年，後來天下大亂時，佢以漢朝正規軍官騎都尉身份起兵平亂，當然最後立大功，成為後來被漢朝嘉獎既三十六路諸侯之一，而且曹操更係少數既官軍代表。順帶一提，後來幾十年叱吒風雲既各支軍閥，如劉備、孫堅、袁紹等都係呢三十六路諸侯之一。

之後獻帝登基，立刻被董卓把持朝政，各諸侯立刻組聯軍討伐，曹軍亦係其中之一。當各諸侯十幾萬大軍懾於董軍勢力不敢前進時，曹操帶孤軍五千人向長安進攻，雖然最後大敗，曹操本人身受重傷，但後來有人想擁立其他劉氏王族為帝，曹操寧願同其他諸侯反面都堅拒不從。唔理曹操之後點樣做事，但年輕既佢以保護漢室安全及其尊嚴為己任絕對不假。

成日話曹操挾天子以令諸侯，呢樣野唔係曹操既專利，佢亦唔係第一個做，最先做既係董卓，然後到李傕，後來先至係曹操。但曹操挾天子之後，一路都只係做丞相，而且獻帝亦保住帝王尊嚴，最後到曹操既子、孫代都可以皇帝制度生活，死後曹操既孫魏明帝甚至親自奔喪。獻帝來到魏國生前死後一樣享有皇帝尊嚴，反而係佢細個及之後被董卓李傕控制時受盡屈辱。曹操呢個挾天子既諸侯只係生錯時代，如果佢早出世幾百年係春秋時代，佢一早就比人話係尊王攘夷既偉大君主。其實曹操保護漢朝，保護獻帝十分正常，如前所講，佢係國防部長之子，出來社會做事由第一日到死嗰日都係於漢朝官場服務，曹操一生都係漢朝既人，輩份上獻帝係佢世侄，地位上兩人係君臣，以曹操既家世、文化背景及所受既教育，佢根本唔會唸推翻漢朝自己做皇帝。只係後世為左推崇劉備，唯有醜化曹操成大奸雄，但論出身論才華，曹操同劉備係天同地比。

这是因為如果曹操殺獻帝,就會讓天下人都對曹操恨之入骨,令天下諸侯都會討伐曹操,而且這會令在野的將才都鄙視曹操,不會進入曹軍,對曹操的征戰有很大影響

當時曹操未有足夠力量去統一中原，仍然需要利用漢獻帝作為傀儡，自名正統。
http://www.china10k.com/trad/history/2/25/25z/25z03/25z0313.htm
曹丕篡漢立魏
東漢末年，曹操挾持漢獻帝，統一北方。漢獻帝只是傀儡，實權由曹操掌握。公元220年正月，曹操病死，其子曹丕繼位為魏王，並逼早已徒具虛名的漢獻帝「禪讓」。同年十月，漢獻帝宣佈退位及將皇位「禪讓」給曹丕。曹丕故作推辭，在「三讓」之後才「答允」接受。十月二十九日，丕登壇受禪，改國號為魏，改元黃初，是為魏文帝，並尊曹操為武皇帝，廟號太祖。十一月一日，丕廢獻帝為山陽公。至此，歷一百九十餘年的東漢正式結束，三國時代的魏國正式建立。