感情問題 (我中三)...

我今年中三 女仔
由小學開始暗戀個男仔...

小學個陣 佢係一個好男仔 性格單純率直
而且對自己既成績會緊張 做事認真

不過升中之後 佢同人講話中意我
之後開始避我 3年黎都唔知有冇講過20句野...

直到最近有個人話我知佢識左個留級生, 之後比個個人影響
成日掛住打機搞到成績一落千丈 ... 趺左成20幾30名...
我先醒起 我一直中意既 可能只係回憶中既佢
佢而家變成點 我根本就唔知 都冇權去理會,干涉佢既事

當然我知中意一個人唔應該睇佢既成績
但係我唔多唔少會care 話我膚淺都好...
因為當初我係因為想追上佢既成績而努力讀書

始終都中意左3年幾...
唔知點解諗返起以前同佢相處既時光就會好Down
好想同佢做返朋友 一切重新開始過
但呢d只係我一廂情願既想法 ... 我地已經係陌生人

Moreover, 我好快有test
但係我成日諗住佢既事 根本溫唔到書
我知老師同學同父母都對我有好大期望
畢竟我都算係成績唔錯既學生.
但係我應該點樣唔諗佢既事 好好地專心溫書?

唔該開解下我... 我希望能夠諗通..