想請問結婚當日做"兄弟", 其實要做D咩?(20點)

你的態度十分正確, 作為伴郎或者兄弟, 最重要係 "醒水" !!! 緊記你並唔係去玩, 而係去 make sure 老友的婚禮能夠順利進行... 打點一切, 令新郎無後顧之憂.

因為每一個婚禮都唔同, 因此唔可以話點樣先叫 "醒水幫到手", 但以下幾點係必須注意 !!!新郎新娘應該已經有當日的 rundown, 請熟讀及緊記自己負責的部份. 最低限度, 自己負責的部份不出錯, 你就一定唔駛揹鑊. 例如, 如你被派去 reception 睇人簽到, 咁你就一定要乖乘的坐係 reception, 唔好走左去吹水 ...兄弟唔該準時到達集合地方, make sure 自己的裝束是合格的, 如果有 dress code, 更加要符合新人的要求.在拍照時, 攝影師常常會要求兄弟做一些古怪的動作, 如你玩得, 又不覺得太過份, 請盡量入戲 !! 同樣, 在接新娘的時間, 玩新郎的遊戲有時也比較過份, 但為了兄弟, 如不是太侮辱性, 亦請頂硬上及交戲, 最多事後搵新郎算帳.一般接左新娘後, 兄弟在當場作用馬上降至可有可無 !!! 如此, 兄弟唔好阻住人地影相, 自自動動行出同層的電梯口, 讓位比攝影師影相 (香港 d 屋, 9 萬呎, 企多幾個人根本影唔到相). 如果有需要, 甚至可以先收拾稍後需要用的物資, 先行安置在車上.在婚宴的場地, 兄弟自動自覺埋位, 就算時間尚早未有賓客, 也盡可能不要一堆人圍在一起吹水... 緊守自己的崗位, 要影相時, 自己會有人叫你, 頂你個位一陣的.賓客漸多的時間, 幫忙招呼客人, 如客人有任何要求, 不要事事煩一對新人. 假如事情不大, 請找其他兄弟 / 伴郎, 甚至雙方家長幫忙.婚宴時, 現在已經不流行兄弟 "輪流隊新郎" 或者 "無聊低格調" 遊戲... 唔好攪到成個婚禮或者自己 "cheap" 晒...其實仲有好多, 真的不能盡錄, 自己執生... 醒少少, 唔好一碌葛咁企係度, 基本上你已經稱職, 做得到 "兄弟" 依個 post... 要 "做得好", 又真係需要經驗的...

2013-04-01 17:18:10 補充：
唔係唔答你，係答你唔到。每個婚禮都唔同，好難一概而論。
總之要識執生，因為無論幾完美的婚禮，中間都有機會出現問題，到時你班兄弟姊妹就要諗辦法去攪掂佢。唔好事事要新郎出面。