情敵變朋友,但亦因我同返個男仔一齊搞到友情告終

男友一腳踏兩船,
最後情敵變朋友,
但亦因我同返個男仔一齊搞到友情告終

之前我一路都比男友個大話呃左,
所以一直唔知我男友一腳踏兩船,
直到有一次我無意之中知道左依個事實
之後我走左去同個女仔對質
當我地大家知道左個男仔一次過呃曬我同個女仔之後
我就同我男友分左手
就咁我就開始同個女仔傾計,
其實果陣我地大家都知道對方重好中意個男仔
但大家心知就算

其實個女仔同我性格,興趣樣樣野都好似
之後重做左好朋友
果排大家一齊溫書一齊追星,一齊出街,陪對方睇醫生,大家身體唔好就互相照顧
就好似兩姊妹咁
果陣我真係好開心好開心
我真係超級錫佢
可以鍚佢錫到,有一次個男仔激動的制一手撞開左個女仔整親個女仔
我竟然嬲到諗到唔諗就一巴打左落條仔度鬧佢

但唔知係唔係比男友傷又加上我屋企同朋友岩岩有人離開左人世咁多野打擊下
我身體差左又情緒病,入埋醫院
我好好既朋友都無話黎探我,反而個女仔主動黎探我關心我,其實佢錫我我係知
我重好開心同感動
但咁岩既係個男仔由入院到出院又好照顧我,我就算點打擊佢,鬧佢打佢,佢都無離開過我,我真係比個男仔感動
但同時我又唔想傷害左個女仔,
所以試過叫個女仔同時又叫個男仔,叫佢地一齊返
後尾搞左好耐佢地都唔肯
我至敢去拾死雞同返個男仔一齊

醜婦終需見家翁,我最後同左個女仔講我同返個男仔一齊
結果同個女仔炒大獲重無計傾TIM
當時我搞到個女仔好唔開心
其實我好心疼.......
但都係決定同個男仔一齊,

到左依家,証明左我無同錯過男仔一齊
因為個男仔真係改好左
依家好乖

同時我亦好後悔同個女仔鬧不和搞到無朋友做
因為我就係錫佢就係重視佢
所以我好唔開心
唔開心左好耐
都唔敢搵佢

見佢最近生日我去旅行果陣見到佢中意食既糖我重特登買左比佢
重畫左佢最中意既卡通人物同生日蛋糕連生日信寄比佢
不過係唔知佢點諗同接唔接受

我要做既野都做晒,我知道我一日同個男仔一齊我就唔可以再好似以前咁,但我真係好重視佢,依家搞成咁我可以點做>??????