過堂程序 - 需時幾多天

落charge之後一或兩日後就要上庭.
視乎你件案嘅嚴重性, 如果虧空幾千幾萬, 咁應該只係响裁判處審, 咁第一日上庭就會進行答辯, 即問你認罪定唔認罪. 如果認, 咁就要睇個官好唔好人, 如果金額細+你已經向公司還錢, 好可能俾你繼續保釋, 等候背景同社會服務令報告, 1個月左右返去聽判刑. 但亦都好大機會即時收押, 同樣等1個月左右啦, 等候背景報告(個官覺得件事輕微先會去攞社會服務令評估報告, 即時收押個啲未必會攞). 好啦, 如果唔認罪呢? 咁就排期審囉. 視乎唔同嘅court, 有啲court忙嘅, 可能要排3個月先排到你單案都唔定.

另一個可能性, 如果你虧空幾百萬, 咁你件案就會轉介去區域法院, 咁你落charge後個日上庭就唔駛答辯, 繼續保釋但係過幾日之後要再去區域法院再過堂, 到時就要答辯. 之後情況同上面認罪唔認罪一樣.

當然亦有可能有例外, 如果控方覺得案件好好好嚴重, 但係佢地仲搜集緊証據又未夠料, 咁佢地會去法庭申請收押左你先, 咁你就要响羈留所等幾個月等警察查案. 不過咁個可能好低, 因為依家佢地都俾你保釋. 所以唔似好好好嚴重.

提一提你, 所有法庭都有一個規矩, 開審前認罪會扣減三分一刑期. 你答辯個日一定
一定要有律師代表, 無律師代表個官係唔會聽你答辯嘅. 就算你打算認罪, 都一定要搵律師幫你上庭. 如果你自己無搵律師, 咁答辯個日早少少去法庭, 去搵當值律師辦事處排隊, 搵當值律師幫你, 依家好似收3百幾定4百幾蚊. 咁佢會個日就會代表你出庭.

不過唔好話我睇死, 當值律師一定會叫你"我未睇哂你個案件, 其實都唔一定無得打, 我會建議你唔好認罪住, 排左期先buy 下time, 開審前如果真係唔想打官司先至再認罪啦". 因為佢之後見你一次就收多你一次錢嘛. 到時就唔係3,4百蚊一次, 不過佢又會話"錢唔緊要, 我幫你申請法援"

以上純粹個人意見, 並不構成任何法律意見. 請搵專業法律人員提供正式的法律意見

1. It depends. If no bail is allowed, within 72 hours. In practice, within a day.

If bail is allowed, in a few days.

2. Difficult to say - as it is case dependent.