✔ 最佳答案
首先樓主唔好搞錯，日日強姦女遊客既係印度，唔係埃及，兩個國家無論係地理位置及文化都相差十萬八千里。不過，近兩年埃及政局不穩，公共治安顯著變差，開羅經常有大型示威及因此而引發既暴力衝突，前排亦真係有女遊客係大庭廣眾被強姦，老實講，可以既話唔好去好D。
埃及有太多極端迷人既景點，散佈全國，認真玩要去一、兩個月。但如果唔計一D無咁出名既景點，幾乎所有香港團都係玩三部曲，即係開羅城及吉薩大金字塔、樂蜀(Luxor，台灣譯做盧克索)既一系列景點，即係卡納克神廟、樂蜀神廟、帝王谷、女王大殿及門農巨像等。第三部曲係南方既亞斯旺(Aswan)，主要係睇水壩及遊尼羅河，通常會再加上自費坐3個鐘車去阿布辛貝神廟(Abu Simbel)，樓主請記住我講，無論如何一定要去，當年小弟種種原因，陰差陽錯無去到，直至依家仍為生平憾事。阿貝辛貝神係人類歷史上其中一個最偉大既古蹟，僅僅去參觀一次已經係人生最難忘既經歷之一，絕對不容錯過。
令人非常驚奇既係埃及冬天以香港人既標準來說非常寒冷，小弟全程都必須著僅有長褲及披上薄薄的風褸，卻仍唔夠禦寒。小弟在行程最後一天於開羅大市集外圍坐下休息，即使當時已是早上10:30，陽光普照，但小弟仍肯定那裡氣溫最多只有攝氏10度左右，而且全程氣溫超過二十五度的時間極少。所以樓主若是像現在這樣的冬天到埃及，你必須帶足夠的禦寒衣物。至少要兩條長褲，如樓主所說，厚少少的風褸是必備的。但閣下仍應帶足夠的夏季衣物以應付難測而又急劇變化的天氣。
小弟發覺當地的溫差其實並不很大，基本上絕不會出現日間熱如火爐，晚間冷如北極的極端天氣。埃及冬天的日間都是偏涼的，最熱小弟估計也只有30度左右(極少發生)，而夜晚雖然凍，但氣溫應該不會低過5度。小弟認為若閣下是怕凍的，帶羽絨去是適合的。但若閣下不是特別怕凍，一件厚風褸已能完全應付需要。
至於面衫，如果閣下像小弟一樣並不特別怕冷，全程穿短袖都無問題，不過要記著要時刻穿上風褸。至於褲，小弟認為以當地的冷天氣，很難有機會穿短褲。不過天氣難測，再加上當地始終是熱帶地方，所以小弟認為短褲仍需要帶，只不過要一至兩條就夠了。
小弟並不建議閣下到埃及自遊行而應該跟團。雖然那裡不算危險，但埃及人一般都幾貪小便宜，任何事都向你收小費，雖然你可以不給，但有些情況很難脫身(例如於吉薩金字塔附近騎駱駝)，如有導遊及領隊安排就完全不會有問題。另外由於埃及是阿拉伯國家，有些禁忌是需要特別留意(例如不要和當地女性影相)，如果不幸犯上，當地導遊和領隊絕對會是你的救命恩人。還有，去埃及不同景點都要有軍警護送(convoy)，而這些都要旅行團才可辦到，所以閣下最好還是參加旅行團為妙。由於小弟只去過一次埃及，所以未能推介那所旅行社好一點。但我參考過大部份旅行社的行程，發覺他們都大同小異，所以理論上跟那一間去都沒有問題。
去埃及如果用特區護照就免簽證入境。至於埃及既火車，係好舊既柴油火車，通常係由開羅去亞斯旺或調番轉行，全程12小時，香港旅行團一般都會book兩人卧艙，所以上車食完飯訓一覺，第二朝就到目的地。
2013-04-04 11:30:07 補充：
回樓主，上文有一部份內容係小弟幾年前回應其他網友既文章，我唔想改啦。當年小弟唔係唔想去Abu Simbel，只係發生左百年難得一見既濕碎小意外攪到去唔成。依家埃及立立亂，坦白講，小弟有錢都唔敢再去，等局勢穩定D至算。
2013-04-04 11:41:20 補充：
樓主既廟宇依著問題要分開兩種情況講。我係正文講既景點雖然係神廟，但全部屬於古埃及信仰。現代埃及係回教國家，古埃及信仰已經係2000年前煙消雲散，無人再信，連相關既宗教組織都無晒，只係剩番見得到既古蹟，所以入去呢D古蹟純粹只係參觀，無特殊衣著限制。
2013-04-04 11:47:08 補充：
不過請留意，畢竟埃及係回教國家，如果你要入清真寺參觀，就一定要注意衣著。好彩埃及較為開放，外國女士唔駛包頭，但需注意唔好著熱褲及鶏翼袖。最適當衣著係Smart Casual便裝，記住著長褲，或至少及膝短褲即可。
