中六畢業升學就業問題

考完DSE之後,咁如果我報左IVE,JUPAS個D點先知自己入唔入到??定考完DSE咩都唔洗做係屋企等就得???
--------------------------------
另外我成績都幾差....雖然報左ive基礎文憑但係都好驚入唔到,
自己無咩特別興趣,只係唔中意行行企企...唔知道簡咩工好..家人都認為我整甜品有天份,任何甜品只要睇一睇就可以成功整出黎,但係我知道做甜品師有排學,好難先有出頭天,OR去完外國學返黎先搵到食,而且甜品師好似好少係女仔..

其實我唱歌,整甜品,食甜品,彈到首歌個時係特別開心..
自己本身讀左旅遊與款待3年..所以IVE個到都簡返呢個科黎讀..但係都唔係特別對呢科有興趣..當初簡呢科讀係因為屋企窮,想有得去旅行..環遊世界..

媽媽1年前買左部鋼琴,原因係因為我細細個以經好中意,但係屋企人唔肯買..
我1年前諗住讀書讀唔成,學琴第時起碼做鋼琴老師搵到食..屋企人先決定買比我..
但係我學左半年到無學,因為中六開始多試考...唔敢用D時間黎學琴,而且學琴好貴..本身都只係用做part-time既錢既交學費,中六因為遲左份工,所以都無咩錢交學費..依家部琴係屋企po塵..好似好浪費咁..呀媽都話,如果唔彈就賣左佢..但係我真係好中意部琴..雖然我唔係好識彈...我只係得2級..

屋企人依家日日嘈我,叫我諗定條路點行...
1.讀旅遊...起碼讀3年之後升埋大學再出黎做野就最好...
2.學甜品...可能無出頭天..一學就一世,始終無創意既甜品好難搵到食
3.重新學彈琴...要到最少7級先可以教人..起碼要等好多年 (另外想問埋升到7級最長要幾耐時間??)
4.學唱歌...呢樣好似好虛無咁..我怕一陣放左好多錢落去..最後都搵唔到食..始終做唔到一個歌手, 搵食都好似無咩機咁..
5.文員,我小一開始受哥哥影響同佢地一齊玩電腦...打字打到依家...基本上速度都ok..應該應付到..但係屋企人話,做文員仔一做就一世..
6.去澳洲讀書...媽媽話可以供我去,但係我驚去到唔識講英文唔知點同人相處,又驚讀書失敗左返黎就哂錢..

屋企人又成日話希望我3年後先出黎做野..因為太細個...
我應該簡咩黎學/搵咩工???
我真係唔知點算.....