難道我一輩子真的要這么過下去嗎

如果你們夫妻間不是長久以來已經發生了問題,又怎會最近他突然間有了一個女人這麼簡單就對你冷淡的,最重要是你們本來的感情是如何的呢? 一向都是相親相愛,還是冷冷淡淡,大家漠不關心的呢?

如果你們本來相當恩愛,只是最近他對你冷淡,原因可能是兩月前有幾晚在外渡宿,可能這就是主要問題,我推測會不會他曾經跟朋友到風月場所玩樂,可能懷疑自己身體染上病,醫療期間不敢跟你接觸亦不奇怪,那麼就不要催逼他,慢慢靜觀其變,可能遲早他會主動向你求愛吧!

如果你們本來感情一向冷淡,大家都已經沒有有感覺,那就一定要澈底的找出原因,才可以對症下藥,夫妻間感情要互相培養,如果你們之間真的有什麼大問題,就一定要解決了才可以維繫感情和婚姻呀!

如果你們感情上沒有大問題,就萛男人一時花心,都只是想逢場作戲,跟本不想隨便犧牲掉自己辛苦建立的家庭的,所以你要冷靜觀察,不要因一時意氣,搞到雙方無法轉環呀!

2013-03-31 19:11:29 補充：
既然大家都愛護仔仔,暫時唔好催逼佢,保持沈默盡量少d同佢爭吵,睇佢究竟想點?
如果佢主動提出離婚,你一定要平心靜氣咁問佢點解,是七年之癢見異思遷,還是覺得自己有些地方令佢不滿?
究竟佢認為自己有乜做錯,點解無端端要令大好家庭破裂,咁仔仔以後點萛?
一定要知道原因先可以尋求解決的辦法,所以盡量避免大吵大閙,以免雙方火遮眼無法收拾,或者大家冷靜下來,會有好的轉變呢!

2013-04-01 12:26:26 補充：
會唔會因工作忙碌關係,大家缺乏了溝通,產生了誤會呀? 人與人之間的感情,要多d關懷愛護先會感情深厚,如果大家日日都只係顧住返工放工,講多句說話都費事,慢慢就變成同床異夢了!
既然大家都愛護仔仔,就應該盡量避免爭吵衝突,如果佢堅持提出離婚,你一定要平心靜氣問他究竟是什麼原因,不可因一時決定就令孩子喪失幸福的家庭呀!
就算無辦法補救,都要明白知道是自己的錯還是他見異思遷呢?

生活中,常有各種變化.遇事要理性思考.不要害怕.不要自己苦惱.夫婦間出現類此問題相當平常.有時想盡辦法都祗會日比日冷淡.你可以到家計會.聖雅各福群會等社福團體求助.明白自己處境及問題.就好好同老公傾下.問清楚佢想點、想要你點.再依自己心願處理. 不必哭哭啼啼.因為你仲年輕.大把世界.誰知明天的你不可能活得更好.在採取行動解決悶局之前.你可以留意下自己儀容.又可以把屋企執拾一下.換下床單.沖涼上床香噴噴.輕輕鬆鬆若無其事.佢如有意,你就欣然收受.佢如詐瞓你亦講声good night入夢.佢攪攪振你就憐愛佢錫佢.如果佢自白.你錫佢唔好責怪佢.人心肉做.佢一定明白佢做左乜嘢事.而你.不要問.只是愛锡佢.如果佢天良未泯.你俾機会佢回頭.如果徹底一切巳成過去.咁就自己好好從新走自己的路.發展另一段人生.
世間事,無話邊個無左邊個唔可以生存生活嘅.男女更唔會分開就一定唔好.嫁錯郎幾時都可以揾過第個.人生無限.發展的道路無限.最緊要唔好自卑.自己,睇衰自己.今日香港.衹要努力人人都可以自創幸福人生.