雖然吾同奶奶一齊住，但由於佢個仔習慣成日返去食飯，所以一星期最少都要返去奶奶屋企食3-4次飯，其實真係好辛苦，因為依家有左7個幾月，腰骨痛又訓吾够，第日又要早起返工
1.剛有左3個月個時，搭車嘔到7彩，真係尿都出埋，自己阿媽見到都心痛，但自己咁年輕吾可以遊手好閑，所以日日返工都超辛苦(搭50mins車)，個時其實都有同老公商量過吾返奶奶屋企食飯(車程最少1小時30分)，但講左就好似無講咁，如果話吾返去食，奶奶同佢又係咁話我:食完返去都好早姐(次次返到去都11點幾)，可能佢地吾見到我辛苦既時候
2.記得之前去照超聲波，老公打去同奶奶講，佢第一句就問:係男定女？我即刻同老公講係女，後尾都講左實情:係仔
奶奶即刻開心到跳左起身，我即刻同佢講:醫生話bb個腎吾健康，佢就轉口話最緊要健康。咁你第一句點解吾問健康先？仲係咁話仔女都無所謂
上次去檢查要食藥，奶奶第一句就話：會吾會對個b吾好？我都未死個b會有事咩？更何況我擔心過你啦！
3.成日話我個肚細，驚個b細粒，佢個女生左個仔7磅幾，成日拎我個肚黎比，其實我都有擔心過，所以問左姑娘，姑娘都話我個b好健康，仲話依家d人成日都計住磅數，我返去同老公講，點知佢話我蠢，無人會問黎d問題，我即刻無野講囉，成日話我個肚細又係佢地兩個，依家講到係我問題咁，所以都無再同佢地講咁多
4.最吾開心既都係佢兩母子竟然商量好我生完一出院佢地就要張我個b抱去奶奶屋企，留我自己一個係屋企坐月
其實正常人都會諗到無可能一生完就張bb同媽咪兩個分開啦，老公可能係想我休息多d，但係佢阿媽就係急住抱孫，都吾急住個1個月掛
問老公點解要咁做，佢又吾答，不過次次同佢講野佢都吾答我，已經習慣左，我覺得係老公溝通問題
但係奶奶做過咁多個細佬阿媽，點都識諗掛，居然無出聲，如果吾係我問起，佢地吾通真係係我出院個日直接抱走個b？我見到實會即刻呆左囉
同埋坐月佢地掛住睇b，仲會有人黎睇我咩
覺得自己似生仔機器囉，我生bb吾係為左你地，你咁鐘意你咪自己生囉
第日阿b 3歲一定要自己睇返，費事俾佢寵壞，不過次次穩老公商量，佢都係話到時先算，好吾鐘意咁無plan既人，但黎樣一定要堅持己見
同老公講野佢又吾聽，奶奶又係咁，唉，點算好
點同黎種奶奶相處好
2013-03-26 11:59 pm
回答 (2)
2013-03-27 12:22 am
✔ 最佳答案
睇嚟你呻左一陣都應該會感覺好少少了... 你的奶奶其實咪又係一個好普通的師奶一個, 想多 D 見下個仔同新抱而已, 未必好似你心目中諗得咁不近人情的... 不過我明顯覺得你老公唔識做人... 佢可能係一個好好的兒子, 但唔識做一個好老公...工作後返奶奶屋企食飯, 如果係 30 分鐘車程之內, 相信你求之不得, 不用煮有得食, 幾好呀... 但如果每日要 90 分鐘車去, 然後要成個鐘返屋企, 晚晚起碼要半夜先有得瞓, 就完全係另一回事, 根本唔 WORK... 你已經籮咁大個肚, 你老公何解唔覺得有問題呢 ??? 如果係我, 我會直接出聲, 返去食可以, 但我真係好辛苦好攰, 食完唔該搭的士返屋企了... 咪當出街食飯囉... 香港地, 100 蚊車錢應該返到屋企啦. 唔得失奶奶之餘, 亦可以早 D 休息.依個問題, 你自己諗多左啦... 照完超聲波, 可以話 10 個有 10 個都問係仔定女, 唔好話親人, 朋友都係啦... 因為大家已經 assume BB 的健康會正常了... 而藥物問題, 又係好正常啦... 大肚婆食藥, 10 個有 10 個都問對 BB 有冇影響㗎啦... 咪自己諗咁多啦.個肚大唔大, 同個 BB 重唔重係兩回事, 正如胸大未必有奶一樣... 每人的身體不一樣, 並無客觀的標準... 靚模係女仔, 佢地個個都胸大, 唔通個個個香港女仔都好似佢地一樣咁咩... 完全不需理會, 直頭可以串返佢地轉頭.如果你出院當日, 佢地將 BB 接走... 首先, 如果你身體好弱, 另計... 但如果好人好姐的, 咁就真係好有問題, 要仔唔要乸的情景完全浮現... 你老公冇理由咁蠢呀 !!!??? 為免與老人家直接衝突, 你應該同你老公抗議, 你要學習湊 BB, 餵奶, 換尿布等等... 你帶走 BB 我點學 ??? 坐月期間, 係應該奶奶去你屋企幫手的... 這點真的需要商量... 唔聽嘅... 女人的武器... 發佢脾氣啦 !2013-03-27 10:38:50 補充：
奶奶同新抱永遠係敵人, 中唔晒都唔爭得遠... 依個就係 "人地個女" 同埋 "自己個女" 的分別了, 同樣亦係 "人地阿媽" 同 "自己阿媽" 的分別了.
但係數落老人家一定係死罪, 而佢地 "密謀" 要打劫你 BB 亦係要正視的問題. 正如我以上所講, 你需要同你老公講明, 你需要 BB 係身邊, 理由並唔係你奶奶有問題, 而係冇 BB 係自己身邊係好大問題. 同時亦可以叫你媽媽幫口比 D 壓力... 但真係唔好數你奶奶, 否則 "爭孫抱" 的罪名就會掛上你媽媽身上, 甚至你咪話要餵人奶囉...
2013-03-27 10:40:35 補充：
人永遠都覺得自己阿媽好㗎啦... 細個唔覺, 當你結左婚之後, 就會覺得媽媽係世上最好嘅人啦...
不過, 你亦要比條路人地行下, 咪叫兩老得閒上嚟幫下手囉... 完全唔比佢掂係無可能的...
2013-03-27 12:55 am
其實如果吾係佢地一早商量好我坐月期間佢地要仔吾要我既話，我都覺得佢地對我個b好一種福氣，但係知道之後黎個問題就一直係個心度吾舒服，最重要既係佢阿咩都吾識，但又爭住要個b，我坐月既野就一樣都無提過(要孫吾要媳婦出曬面)，依家咩都係我阿媽做曬，有時真係好心痛自己阿媽咁辛苦，
講真個句，其實自己想俾自己媽咪帶返個b多d，因自己阿媽細心好多，又好學，教學方法吾錯，由細到大家庭都比較融洽，處人處事方法都幾好。而奶奶就咩都吾識，d仔女話一就一，完全寵壞曬，食飯個個都拎住手機電腦，完全無交流;仲要見到奶奶上次抱人地個b搞到人地喊曬，佢就雞手鴨腳咁俾返人地，佢d功力比我差
講真個句，其實自己想俾自己媽咪帶返個b多d，因自己阿媽細心好多，又好學，教學方法吾錯，由細到大家庭都比較融洽，處人處事方法都幾好。而奶奶就咩都吾識，d仔女話一就一，完全寵壞曬，食飯個個都拎住手機電腦，完全無交流;仲要見到奶奶上次抱人地個b搞到人地喊曬，佢就雞手鴨腳咁俾返人地，佢d功力比我差
收錄日期: 2021-04-13 19:24:00
原文連結 [永久失效]:
https://hk.answers.yahoo.com/question/index?qid=20130326000051KK00142