小妹有關SDHC既野想問.........

那個是代表速度的，普通影相拍片，class 4已經夠用，class 10屬於最高標準了。
sandisk出左快過class 10的卡，但又沒有class 11，12的標準可以用，就自稱extreme.
如果有兩個速度的話，快的那個是讀，慢的那個是寫
只有拍高清片才需要高速卡，還有就是經常和電腦交換檔案，卡的速度會有影響

你要留意既野有好多, 先解說左1). 同2).先
1). Class X係一個速度規格 , 不過通常賣開既都係4同10, 而 2 , 6 係比較小見既....
2). 佢既數字愈小, 唔會影響畫質, 但是佢會影響到讀寫性能. 每一部機佢都好似電腦咁, 有個記憶緩衝 , 當影完一張相, 佢係先存相入個緩衝, 之後再一張張寫入張卡度.

如果係單張單張咁影, 其實就算用CLASS 4既慢卡, 佢都唔會有問題, 因為記憶緩衝都存到好多張相....當張卡寫得慢, 寫唔切時就會出現暫停比你影相 / 拍片既問題


DC仔通常都好小發生記憶緩衝不夠既問題, 因為佢D相細, 連拍慢.... 不過當你用到單反, 特別係全片幅而高連拍性能既機種時, 慢既卡就會好快打爆個BUFFER而令連拍性能大減.....就以EOS 7D為例, 一秒7張, 影RAW既個BUFFER影夠25張就爆.....即係最多連拍4秒左右就會LAG住咁連拍.....

另外如果係拍片, 你用既係高解像度既拍攝, 你每秒既數據量都會好大.....如果你張卡太慢, 那麼到拍片既資料打爆左你既BUFFER時, 你部機就會強制同你STOP左去....等D BUFFER中既資料可以寫入張卡,,,

所以要睇你既用途而決定你買咩卡 , 如果只係單張影相 , 一張張咁影, 唔會拍片連拍, 其實你買CLASS 4定CLASS10, 佢都無咩分別, 不過當你係時常用連拍. 如影SPORT既野, 或者你係以拍片為主, 你就會深切感受到CLASS 4同CLASS10既分別....

題外話:
A). 就算係同樣係CLASS 10 , 實際讀寫速度都有唔同, 由30MB/s 至95MB/S都有, 這才是實際速度, 所以你會見到有D CLASS10卡貴過其他CLASS 10卡咁多就係咁原因..你都要因應你既用途而決定買什麼讀寫速度既CARD..


B). 唔係話將卡有大買大有快買快就實無死, 唔係樣樣野都支援所有SD 卡, 除左SDHC之外仲有隻更大既SDXC卡, 如果裝置唔支援SDXC卡, 買左只會浪費. 所以要睇清楚說明書