同佢有冇可能一齊??><

你講得唔夠詳盡
你係男定女呀 唔該.... = =
幾歲呀你
係邊度見面?
本身未見過 約出黎見既?
識左1個月又唔係學校識既
我諗你對佢既了解都未必係好多
應該係鍾意左佢 未到愛上

你話佢好少主動搵你
咁我睇佢對你既感覺都係一般般
唔係男仔(我係女既話)既話冇可能咁被動
定係佢性格係唔多出聲果d黎

"我都有約過佢出街 但佢都吾得閒"
係佢話唔得閒?
佢返工定讀書
我覺得其實3年都唔係話真係咁大 應該唔會有代溝
除非你地唔岩"key"

"我同佢點樣先有多d野傾？"
可以係興趣著手
佢平時鍾意做d咩呀果類 再伸展(你有冇做過常識project 比一個題你 再伸展好多舊野)
"我有時驚我會煩親佢"
你都應該有睇愛情漫畫
女主角成日出現係男主角面前
突然有日唔出現 就會好似 周身唔自在咁
當然現實會有些小出入啦= =
依家唔係叫你24小時每隔一分鐘whatsapp line佢一次

"我應該追佢，定係放低佢？？"
女追男我怕到頭來會嚇親對方

唔追佢唔代表叫你放低
你識左只有一個月
試下再了解大家多d先都未遲呀
了解佢忙d咩 通常幾時得閒 再約
鍾意d咩野 有興趣既係咩
等佢開始慢慢都對你有好感
釣魚咁 放長線

唔一定個結果即刻就要係埋一齊
同埋我覺得依家呢個時候你同佢表白佢都唔會應承你
你岩岩都話佢好少搵你 約佢又唔得閒果d啦

繼續放長線啦

2013-03-17 04:43:55 補充：
上面typo = =
(你係女既話)

你好似冇話[佢]係男定女...