金融經紀，地產經紀，保險經紀等現在前景

金融經紀 ：簡單啲講分為幾類，証券行、貴金屬（黃金、白銀等）仲有就係外幣。每種行業都要考唔同的牌照，如果做証券，就不能賣金或賣外幣。當遇上大跌市時，生意額一定會受影響。普通人都知當遇上股市大跌時或股市波動時，市場上的交投一定較淡靜。
地產經紀 ：雖然初入職時有底薪，但大多數地產舖都要你坐嗰間舖度打 Call。
除非做到大生意，否則都係難發達。地產同樣亦都受到經濟環境及政府政策影響，就好似政府剛剛推出的壓抑樓價的額外印花稅咁，市場上一手或二手樓宇成交量都較政策推出時大跌。
保險中介人 ：係我個人認為３者當中最好，因為受經濟環境影響得較細。當經濟環境好時，大多數人會想把多餘錢再投資，基金產品會受惠。但萬一經濟唔好時，基金產品銷量會有影響，客戶會擔心市場波動，反而會轉去考慮一些定息或高息的儲蓄產品。