我同呀爸吵架

點解通常d老爸對仔女講野會大聲d,勞氣d呢?
因為平時個仔女乖乖地無乜野,佢都無野講啦,一定係你有d野佢覺得有問題或者唔合佢心水,佢先會出聲,所以一定唔會陰聲細氣咁同你講啦!

你喜歡打鼓,喜歡去教會,只要唔影響功課,跟本無問題吖,不過你阿爸誤會你因為掛住去教會同打鼓而有影響,所以對你勞氣d,最衰你今次因為唔喜歡呢個老師唔去補習,仲講明講大話呃佢,咁當然激嬲佢啦!

其實你阿爸都係關心你只係佢用錯方法先令你唔高興,只要你想想老爸都係希望你學業成績好先緊張你,如果個仔成績好d,唔使佢擔心,佢出外工作勞心勞力辛苦d都有價值吖!
如果你英文唔掂反而唔補,數學ok反而補,咁老爸就覺得你好似係專登鬥氣咁,佢有乜辦法唔勞氣呢?

點解你地會搞成咁僵呢?主要係大家都唔認衰,但佢始終係老豆,當然希望個仔尊重佢,如果你以後樣樣野都坦白細心d同佢講清楚,自己做乜都先徵求佢意見,等佢覺得自己有番d老豆尊嚴,兩仔爺有乜隔夜仇喎,自然條氣順晒,錫晒你咯!

人人都係受軟唔受硬,如果你同老豆硬碰硬,當然係火星撞地啦,如果大家平時互相唔溝通就容易產生誤會,所以你兩父子平時要多d大家和和氣氣傾談下日常生活,就可以盡量避免時時正面衝突了!

大家平心靜氣甘傾下。

大家一人退一步吧

首先你的觀察很準確！

你爸唔係心平氣和的人，反而係一個緊張大師和可以把一點小問題無限推延(或者叫無限上綱)，你要學識聽他的意思而唔單單係字面上東西(因為那些內容未必代表他的意思)，只係佢無合理辯論的技術，只係識用咁樣的誇張法。

唔知你明唔明佢話：
「 阿媽唔鍾意整野食唔整 ，[我]唔鍾意比錢你就唔比 」
這意思是甚麼？
佢係想你知你阿爸阿媽都好辛苦要有咁嘅責任服侍供應你的需要為乜呢...
你學好一些技能(包括學科和藝術或興趣)係你的責任，就算個老師或者補習無乜成效都係你嘅責任，最少要自己找辦法努力，而唔係逃避(從你角度你一定唔係咁諗吧-但外人係會咁睇你的表現/反應)，你要投訴那老師不好你就有責任去找一個你認為好的老師給你爸選擇去轉那裏學習 - 記住這原則(你要找來解決問題方法)，「方法要比問題多」係唔會從天而降的...將來任何工作都要咁做你才會成功。

最後你要明白你爸係一個要自己握緊自己命運的人，相信成功係要由自己雙手努力做出來的，唔單單係做自己喜歡的事便自然地成功，佢的人生經歷也可曾經有喜歡做的事但現實生活未必容許佢只係去追求容易或喜歡的才做。你或者留意吓佢最放鬆舒服做的活動是甚麼(當你看到佢好像你返教會玩音樂時咁投入或陶醉)，當佢對你發火話你掛住玩或唔努力時，你便告訴佢其實係人都要定時放鬆吓才能在正經的工作上更有效率和發揮更高收益，好以你每日都要xxxxx咁啦，唔係你都冇心情返工啦。

希望你知道你爸係用緊你十幾年後應該有的思想來為你安排和表達。多點留意你爸緊張的背後理由，例如教會對他來是無生產力或有實際效益的地方，除了向他報你去了教會和學打鼓點好玩外，更加要耐不耐告訴他你從那裏的朋友學到那些學校或補習都學不到的技能(例如編組開音樂會，學到一些古代的歷史)，並且自己也自動自覺諗吓教會的朋友導師那裏還可以學一些會令你爸也不會的 - 例如最近選出教宗...你有冇諗過係教會問人教宗的來源(雖然你那教會未必天主教，但從而明白為何有天主教/基督教/東正教...對今天的世界歷史...甚至跟你返那間學校/教會有乜淵源，這些冷知識)。

你應該體諒做爸爸的情緒反應==
因是為你英文科--而肯花錢讓你補習---
但你因不喜歠補習先生--放棄補習為理據==
這是講不通的--若你能將雙方位置對調換==
就能解開目前之困局***

Say "sorry"

may be talk with each other