男女關係複雜......點算

1-我應該去相信他嗎?
唔應該去相信他, 因為我覺得如果分左手係冇必要一休息就同前女友去買日常用品呀 ???? 簡直係奇怪啦, 佢同你先至幾個月咋, 反而應該用多d時間去了解現任女朋友, 照顧現在女朋友, 唔通成世照顧前女友d日常用品咩.......

2-我應該離開嗎?
咁你離唔離開就要先同男友傾掂數先能決定ge, 或者你能不能忍受佢個個星期都係咁先得架, 你而家已經受唔住啦, 仲有喎, 講就講佢地冇感情分左手, 但係仲個個星期見面, 好容易又撻番著架咋.......到時你地咪又係要分

3-我應該點做?
好簡單2條路, 一係就括出去, 同住呢個男人先攞, 騎牛揾馬, 況且男末婚女末嫁, 但係自己要識抽身, 一發覺佢地真係撻番著你咪算攞, 係佢走寶咋嘛, 最緊要自己做好自己唔好成日為左佢同前女友d野同個男友鬧交,
第2條路就係即刻同男友講, 要佢改善下, 唔好個個星期都同佢出去, 如果佢唔肯就真係飛左佢啦, 不過你自己要捨得先至得攞, 自己諗清楚啦, 旁人幫唔到你, 要你自己夠堅先得

4-你又覺得男既係個點既人?
可以講係拖泥x水ge人攞, 總之怪怪地啦, 你自己要洗下自己個腦, 自己有大把青春唔須要留戀一d唔珍惜自己ge人......

1) 既然你真係咁中意佢. 你就相信佢. 我明白依啲咁既情況,你一定會亂諗,係好正常! 不過既然佢話無,你咪相信下佢囉. 我覺得,對男仔黎講, 另一半既信任係好重要. 假設你男友係講真話,真係咩關係都無. 如果你一直係到亂諗,對佢疑神疑鬼,咩事 都唔信佢,而且連好小事都敏感到不得了. 到男仔黎講, 佢會覺得你咩都亂諗一餐 好煩, 而且又咩都好似唔信任佢咁,佢就會開始想離開你,去一個信任佢既人身邊, 咩都唔洗解釋都有人明白,唔洗好似同你一齊咁,小小事都講完又講咁嘈落去. 所以 既然你咁唔捨得,你就不如試下俾信心自己,俾信心佢. 試下可唔可以修補返關係

2) 如果唔睇你話你好唔捨得佢,唔想放手. 係我自己立場黎講,我覺得你要離開,愈快愈好!!!!! 因為我覺得男既對你感情多極有限. 什至你可能只不過係佢水泡. 點解話佢愛極你有限? 佢係愛你既話,知道你對於佢陪ex既事咁不安,佢一定會應成你唔再同ex有來往,連行街個啲都無. 而當你話要分既時候,佢更加唔會咩反應都無等你自己搵佢. 好明顯係佢心入面,佢覺得自己完全食住你,你根本離開唔到佢. 既然係咁,佢點解仲要浪費時間去係你講分手個時哄你? 佢知你一定係得把口. 佢點解仲要斷絕同ex來往? 佢知佢就算咁做你都會留係佢身邊. 愛情係要有體諒同包容,但係要2個人都咁做. 如果得你自己一個一直付出一直無條件包容,就係叫忍受!!!! 其實我諗你都知自己係覺得辛苦,係覺得無奈. 只係想走又走唔到. 我覺得既然辛苦就長痛不如短痛,快快手離開佢. 佢係屬於你的話,即使分開,佢終有日會返黎搵你.


3) 做法1: 同男友直接坐低慢慢傾.
問清楚你男友佢對ex仲存唔存在愛. 佢話自己係被ex要求要陪佢行街,咁姐係話佢對ex無愛啦. 只係因為被迫所以先咁做. 但佢講既野唔可信,男人最中意搵借口講到好似好唔關佢事,好無奈咁. 所以直接講清楚,問清楚就最好. 你都可以求個安心, 我相信如果佢係被迫陪,陪既當中無愛既存在,你都舒服d啊.

做法2: 仔細檢討自己不足同2者之間既問題.
你同男友鬧過咁多次,相信一定係有問題係中間無解決. 佢陪ex既事固然係令你心煩原因之一,但會唔會你都有d缺點係令到佢一直都唔可以真心咁愛你,考慮同ex講清楚,要求佢唔好再叫你男友陪佢行街. 如果你男友係正常,唔係咩花心鬼,玩玩下,相信見到你努力改變, 解決問題,會試下愛你更多,改變依家情況.

做法3: 離開
小朋友係俾人蝦,俾人打都識得立即走,唔俾自己受傷啦!!! 你已經好努力啦!!!! 愛佢愛到成身傷哂,你已經盡你能力. 快d走,唔好再俾自己受傷. 少少傷依家走仲可以好返, 如果仲唔走,你就傷到死,心死左就真係無得救! 無必要因為佢一個咁既人,而令自己受不必要既苦.


4)我覺得男既其實味必係性格不合而分. 正常男仔分手,即使因為做錯野內疚,都只會係咁易sms問下佢點,關心下. 但私下2人接觸就不必, 發生性關係更加唔洗講啦. 已經唔中意一個人既時候,唔好話個心佢想唔想要,連你隻手都根本唔想掂到. 除非你男友係大淫虫,有得做就得,咩都唔考慮!~ 至於男係咩人... 想享齊人之福. 要ex又要你既付出.

有咩想再傾就搵我啦,email或者密我都得. 我好明白你心情,我曾經都有你依d感受,有類似經歷. 希望可以幫到你^^

1-我應該去相信他嗎?
可以但不可盡信,凡事有保留

2-我應該離開嗎?
未必. 但若他們之間有大事發生,亦涉及自己的感情就要.例如個ex大肚同佢地感情變好..+男朋友陪你既時間少左

3-我應該點做?
先沈着覌察

4-你又覺得男既係個點既人?
是個多情既人. 因佢放5低ex先想跟他買野.而且又想同你拍拖

1-我應該去相信他嗎?

如果你想同佢1 齊, 只有咁做

2-我應該離開嗎?

呢D 你自己決定, 冇人可以左右你ge 思想

3-我應該點做?

同男友平心靜氣傾, 千祈5 好動火

4-你又覺得男既係個點既人?

比佢ex 食住, 5 好意思拒絶, 話晒以前曾經1 齊過, 點都有D 感情, 男人易心軟

1-我應該去相信他嗎?----------不應該
2-我應該離開嗎?----------應該, 佢存心拖拖拉拉
3-我應該點做?----------即刻離開佢
4-你又覺得男既係個點既人? --------佢係玩弄感情!

想詳細傾計, 可以pm我

首先要問你自己原初(只是幾個月前)為何一齊。從你的表述看來似是你「要了」他多於他「追到」你而一齊。箇中你喜歡他或他喜歡你甚麼你要從新審視一下，給自己坦白地反問一下。唔好因為投入了情感或精神便覺得要保存甚麼。正如你所講(或他給的理由)當男人感覺有負對方時才會這樣甘心「捱義氣」的行為，但亦不排除係他的ex太了解他而耍手段的結果，正常理性或情感獨立的男人係唔會咁的。但白講，與其問男人係咪會咁，不如問女人為乜要keep住個ex男人…做sp和接送…唔通真係貪方便咩，還是騎牛搵馬(男人就會)？他連跟你解釋都唔夠膽，可見他自己亦無可奈何(給對方食住)。只能說你的影響力不及他的ex的一半，更未夠吸引力給他力量攞脫那ex的操控。因此無論客觀現實或主觀考慮自己的幸福，相信你自己可以決定下一步的。