中學時期追一個女仔追到中學完左成年仲繼續追緊同一個女仔

你追咗咁耐,我諗個女仔都知你鐘意佢,仲有我想問你,你想追到幾時呢?其實追女仔好容易架咋,橫定佢都知你鐘意佢,你不如反客為主, 而退為進! 首先好明顯你係逃避梗,因為你唔多夠膽,大膽D,不妨發個短訊或Email(因為只有你講無佢講,你會鎮定D,覺得無咁尷尬先)試下佢有咩反應先, 內容大至同佢講……

(其實我一直對妳都好有好感, 但我自已知自已事, 以我身份,試問我邊有資格配上妳, 所以我只好將呢份情意永遠埋藏在我深心處!雖然我未必係一個百分百滿分o既男朋友, 但我絕對會係一個百分百對妳好o既人!若果將來有呢個機會俾我, 我一定會比任何人更珍惜妳同愛錫妳的! 呢個係我對妳許下的承諾, 當有一日,妳想我為妳兑現呢番說話時, 妳只需同我講一句, 我一定會係第一個企o向妳面前o既人, 但點都好啦, 我永遠都會支持妳同关心妳，做妳身邊o既守護神永遠守護住妳!)........

( 甘樣講,佢動情,你就有個女朋友,就算佢暫時對你無feel,大家都仲可以繼續做朋友, 對你有利無害!起碼你買左個保障,因為每個人總會有唔開心的時候,在佢唔開心的時候, 當佢諗返你呢番說話, 佢第一個諗的一定係你, 到時食住個勢,你咪得米!
記住,你敢表白就已經贏左80%,唔敢就輸哂, 仲有, 每個人都有失意的時候,如果你捉到佢需要人关心的時候, 而你又夠胆直接對住佢講, 你已經9成成功, 講果時記住唔好笑,唔係衰硬,仲有設記勿死纏爛打! 唔係你一定嚇親佢加上佢會覺得你煩! 俾少少時間佢消化下你D說話!呢招我用過好多次, 十個有九個之後做左我女朋友,淨返果個係基督徒, 佢無拒絕我, 只話相處耐左, 感情會更堅固, 叫我俾少少時間佢深入了解我!
(橋唔怕舊, 最梗要佢受, 可能好多人會覺得我好扑街同好騙子, 但我無一腳踏兩船, 我對佢好咪得o羅, 好多以前的女朋友, 到依家都仲有聯絡架, 如果我對佢地衰, 佢都唔會仲搵我啦)

好慘! 由中學追到大學到做野, 仲追緊, 生不如.......死!