真係頂唔順D自卑鬼

好地地讀下書
青年學院收生級別中3既課程

總有D人成日以為出得街多,用晒全副PARTTIME人工買下名牌,識多幾個勁親戚
我問下佢D名牌既野,就以為表現得見識好廣博,幾乎個個貴野牌子都識,
又鐘意痴埋D同佢一齊買名牌既同學
真係唔怪得一班左幾年都無乜野講,
係今年同佢重讀同一科先有計傾,先發現佢原來識朋友都要睇衣著同成就...

一傾落去下下踩9低我,成日叫我接觸多D外界,我真係頂唔順!!

我年紀都大你幾年,駛唔駛你黎教?

我通常得閒就鐘意哩係屋企玩下電腦仔咁,費事出街消咁多費
而我係電腦裡面領悟到存錢既重要性

我就唸住HEA埋呢幾個月就唸住去搏命賺錢慳錢去存錢玩投資

(而我班D人就搏命存錢買名牌)

而唔識電腦,只係用電腦黎打下機既佢又一句達落黎
"呢個世界賺錢唔係你唸得咁簡單架,你以為打下機就發到達呀?你得就個個大富大貴啦~仲駛係到重讀咩"

唉,我心唸,你呢D一有錢就駛晒去既人,慳個錢仲難過搵個錢,梗係難啦!!

仲好有自信咁同我講"我係到進緊步,而你仲係到打緊機"

點知再問一下原來只係想學IVE D 體育阿SIR,
考幾個教練牌去IVE做阿SIR,座享5萬月薪一個月


老實講,雖然佢日後點,係咪真係做到阿SIR,都唔關我事,
亦都唔想出聲,就算出聲話佢都唔會聽

但我真係成日都比呢D無乜料,又自大既自卑精搞到心情好激氣同好唔開心,
佢只要覺得身邊有D人SHOW下OFF佢就覺得勁,
但我呢D唔鐘意SHOW OFF,有咩計劃同能力都收收埋埋既人就成日黎踩到盡