介大脾...><

睇得出你呢個月嚟真係好唔開心，設法搵到啱的途徑去抒發情緒。我覺得你已經好醒目，留意到介自己既身體唔係好的方法，所以真係唔好再介啦！！因為當你唔開心的情緒冇左，但啲疤痕卻會一直留係度，到時你望返一定會好後悔同諗返起唔開心的事！

唔開心的情緒仲有好多其他辦法去抒發，例如有冇咩喜愛的運動同興趣，當沈醉係自己鐘意做的事上，唔好諗咁多唔開心的事，會更輕易忘卻唔開心的情緒！或者參加下啲社區機構搞的義工活動/興趣班，認識多啲新的事物都有助忘卻煩惱啊！

雖然你講唔到到底咩事唔開心，但有冇試過同其他人分享自己唔開心的情緒﹖有時有啲事情唔知點樣解決，但同人傾下唔好屈係個心入面，都係一個抒發情緒的辦法嚟啊！睇得出你好孝順，希望屋企人唔好為你費心，咁有冇試過同父母分享傾下自己唔開心的情緒﹖父母知道你有唔開心都會好擔心o架，但如果同長輩難以開口，可以同朋友呻下啊！

有咩唔開心歡迎你同我地夜貓大使同當值社工傾傾，我地MSN係 [email protected]，我地會等你嫁~

2013-03-16 18:51:19 補充：
如果同父母朋友未能開口，可以搵我地夜貓大使同當值社工傾，都可以係facebook傾，我地facebook係[email protected]~~

我以前試過介手，介傷自己的感覺真係好痛。傷害自己唔可以解決問題，我建議你搵人傾訴，我介紹d社工比你。
uTouch：
https://utouch.u21.hk/intro.php
我都試過搵佢地，d社工好好人，一定可以幫你解決問題。
如果你需要一個朋友陪你，我都可以同你傾下計

有野既話可以傾下, msn: [email protected]

看心理医生呗......

唔好再介啦.
掉左把介刀.
唔系既話你會後悔架.:-)
唔開心你米搵下D FD傾下啦.:-)
如果再系唔開心.
你可以搵其他野分散注意力.
多D搵下D朋友出街.
盡量唔好唸唔開心既野.
我都介過.
我介完超後悔LOL.
希望你唔好再介啦;-)

你咁講 可能你唔開心個時冇人可以同到你傾計
反而介大脾仲可以將不快轉移到肉體上的痛個度
但係慢慢你會發覺個種痛痛幾多次都唔會可以解決到心入面的唔開心

可能係老套 但的確 "凡事都有解決ge辦法"丫ma
你一直都唔去正面解決個問題
反而用介大脾的方法去處理
最後 可能你個心仲係好唔開心
因為個問題由始至終都冇解決過
身體上仲因為介大脾而多左痛楚

而你都講得好岩呀
你家人真係會因為咁而好擔心你
你有冇諗過同家人試下講下你遇到的困難?
你從來都唔願意跟家人講自己的不快或心事
佢地都一樣都好擔心你架

不過見你出呢個留言
都好開心你願意去尋求其他的方法去解決困難
除左搵家人傾 你都可以搵網上社工傾架
搵人傾多d 自己個心都會舒服d
唔駛再做d家人擔心你的事ma

另外 你都可以做多d自己中意的野
搵辦法去令自己relax d 開心d

隨時再搵我地傾啦 =)
可以whatsapp 54055051 或者上 utouch.u21.hk 都可以架.
加油呀! 事情一定可以解決的!

發生左D咩事令你覺得唔開心呀???
你講得岩呀,
咁樣介落去唔係辦法,
無論發生咩事都好,
都唔應該傷害自己既身體......

你唔介意既,
可以add我呀!
我好樂意聽你既分享!
同你一齊去解決問題!

MSN & Facebook: [email protected]

防止自殺協會幫到你!!

打公仔抒發5開心情緒