點解香港記者在中國內地採訪經常被打呢?

我睇新聞,話楊匡在中國首都北京市打算搵諾貝爾和平獎得主劉曉波妻子劉霞,佢呢條楊匡仲要係佢屋企樓下叫囂及進行示威,妖!呢班香港記者仲搞笑,明知,其後楊匡和成班中國公安係度爭執,佢地就唔好走埋去進行採訪啦,結果就係找死囉,俾人打埋一份,香港記者係唔係攞嚟衰呢?明知道,劉曉波兩公婆是中共嘅眼中釘嚟啦,一個坐緊監,一個被中共當局軟禁,仲要去採訪人地?係唔係攞嚟衰呢?
楊匡學晒死長毛咁,四處搗亂生事,佢今次倖中國公安拉咗,咁就抵佢死啦,做得香港記者,要懂得識時務咁嘛,仲要硬闖,仲要有著不入虎穴,焉得虎子咁嘅精神,結果就係找死囉,唔止咁啦,就如在2009年在新彊爆發了漢維衝突,呢班香港記者又係唔識做,仲要衝入去採訪,結果又係俾中國武警當成滋事分子打囉.
妖!有時香港記者的確係唔抵幫,有時其他國家如美國英國,以及台灣等國記者夠來中國內地進行採訪啦,又唔見佢地在中國採採吓訪無端端俾中國公安武警打,有時香港記者真係要檢討吓囉,佢地在香港就可以橫行霸道,在中國內地唔到呢班香港記者話事囉,港記要懂得模清中共之底細先至做嘢咁嘛,係度硬闖?咁就死得啦,係味?