員工不准出外午膳，是否違反勞工法例，或有無此等法例保障?

根據你的描述，相信人手比例會是主要原因。因為按照僱員補償條例，僱員在上班途中、工作期間的用膳時間也是在保障範圍裡，這當然會包括參觀和旅行活動，所以禁止員工外出用膳而不受保障只是藉口。至於禁止員工外出用膳，如果入職時未有這規定，雖然未屬違法，但這種不近人情的做法只會惹人反感，趕走不滿員工。

僱傭條例裡面並沒有規定必須有用膳時間，除非是兒童或青年受僱於工業行業才有相關規定。(但都沒有規定在哪裡用膳)

在這個問題上，首先你需要知道你平時的用膳時間是否屬工作時間?如果不屬於工作時間，那麼你做什麼僱主根本不能干涉。但如果用膳的時間屬於工作時間，只不過僱主容許你於這個時間吃些東西，那麼於工作時間裡的安排，你一般都需要遵從僱主的指示。

你可能會爭議即使用膳時間是工作時間，但這樣的安排會令你的一些你享有的福利有削減的情況，你能否申索僱主呢?但這種情況，你會否覺得你的僱傭合約條款,條件有不合理被更改或變更?即使你認為是有更改，但僱主又是否沒具有正當理由呢?

按 《 僱 傭 條 例 》 的 規 定 ， 僱 主 如 證 明 根 據 下 列 五 項 理 由 中 的 任 何 一 項 而 更 改 僱 傭 合 約 條 款 ， 即 屬 具 有 正 當 理 由 ：

1.僱 員 的 行 為 ；
2.僱 員 在 工 作 方 面 所 需 的 能 力 或 資 格 ；
3.裁 員 或 其 他 真 正 的 業 務 運 作 需 要 ；
4.法 例 的 規 定 ； 或
5.其 他 實 質 理 由 。

去到呢d位置，基本上係擘哂面，同埋就用膳時間能否外出，關乎工作時間內的自由度被受限制這點去申索的話，成功機會相信好微。

所以這種問題，只能夠透過雙方採取互諒互讓的態度，協商處理。

理論法例廢話講完，講返一d好現實的問題，僱主都係為左佢自己嫁喇，出去食飯有乜意外保險唔包，咁有乜意外發生，你請病假佢就要自己出錢 pay sick leave比你,無保險賠，對佢黎講梗係唔好啦，唔知你公司係咪曾經有人有意外發生，所以而家佢諗諗下保障返自己，要走呢d精面，如果你食飯係工作時間而你係因為僱主指定你係公司範圍裡面食飯,都會有勞工保險cover,佢唔洗自己賠....至於人手比例唔夠既說法，我唔知教育條例係點，但你可以由呢點去著手。下個禮拜先比例不足?今個禮拜仍然足夠?會突然比例不足?好多教師走左?學生多左?我會覺得呢d只係包裝，冠冕堂皇既講法，講到點為你好，係乜乜乜乜規定，我都唔想咁做，廢話。我相信人手比例就算真係有相關規定，真係唔夠，都唔會要全部人一齊留既係度先剛好夠人數比例，所以一定有鬆動，折衷做法咪大家輪流每星期都有某幾日都可以出去食飯咁囉....唔會日日都要所有人留哂係度先夠比例掛???

其實問題重點是"出左去就唔夠人手比例"；這是教育條例所限。
雖然這種禁止出外食飯，是不近人情。但作為教師/幼師，都要有一定責任心，有時是需要與校方互相體諒；是否可作其他安排。