對愛情有經驗既人入黎比下意見幫幫小弟

事緣係咁(可能有d長，但我想仔細小小講出黎，見諒)
有個女仔同我同班5年，我同佢冇乜點接觸，不過我地有共同既朋友，有時大家傾計，玩果時都會接觸到佢，算係朋友咁，係f.4果年，我同佢坐埋一齊，果時我同佢都只系朋友關系甘，但系佢有一日冇啦啦話中意我，我覺得佢只系玩，而佢都可能系拎黎玩，所以冇多點理佢，只系答返佢唔好傻啦，我唔會中意你囉，但系佢都仍然話中意我，所以我都唔多理，而且，果時我中意左另一個女仔6年，所以我都唔理佢。f.5果時，個女仔冇再同我講佢中意我，變返以前朋友甘，所以我都唔會話主動搵佢。到左今年f.6，我又有機會同佢坐埋一齊，佢坐個後面，成日督我背隻，係系面同我玩，咁之前我以為佢唔會再話中意我啦，以前重細唔知，點知佢再話中意我，重同佢d fd講佢中意我，搞到果時d人見到我都講阿邊個呢?，佢重主動叫我christmas eve出去玩，同我+埋2個坐我地身邊既人講佢自己既事，重問我覺得佢個人點，咁果時我對佢了解始終唔深，唔知點答佢，就答佢暴力左小小有小小[公主病]咁啦，之後佢答我去死，咁我都唔覺有咩野。christmas eve果日，我同佢+埋3個fd去睇燈色，夜晚再同一班fd一齊去食飯，佢之前話想要禮物，但我就話唔送，之後我都買左份野比佢啦，送比佢，佢果時好開心啦，重問我系米特登買比佢，甘果時我唔知點好，就答佢唔系特登既，你話想要，咁佢答我，你唔識哄下我架，之後同佢影相，佢都主動企我身邊，但之後佢叫我幫佢拎袋，我話唔要，唔好咁港女啦，佢又問左其他野我都答左一d佢覺得hurt既答案，之後佢話我今日我hurt囉，咁我果時覺得正常阿，我唔系中意你，答野都唔洗太在意你，廢事大家誤會左。食飯果時，佢都冇嬲我，重一齊玩得好開心，咁我同佢有套戲都未睇，其他fd睇左，咁我就想叫埋佢一齊去睇啦，點知有個fd就大叫話我約佢去睇戲，佢面都紅哂，咁我就同班fd講，睇戲姐，冇野囉我地，咁樣佢地都唔再出聲，之後我同佢講再約時間啦，佢話好，但系有幾日唔得，約左其他朋友去玩，可能重有其仔野做，成個禮拜唔得，咁之後我都再whatsapp佢，佢話時間就唔到，我都冇再約佢。到返學果時，佢頭個星期同以前一樣，都係咁同我玩啦，而且我覺得自己都中意左佢，對佢特別在意，重有時休息果時都諗起佢，所以我都肯定自己愛上佢。但系之後個一星期，佢對我態度180度轉變哂，平時會同我傾計，會同我玩，而e家我主動搵佢傾計，佢都唔理我，對我勁冷淡，而且重有時無視左我同埋佢又話自己有另外中意既人，但冇人知係咩個，last day果日佢話會搵我地班fd影相，結果全部人佢都影過，剩系唔搵我。
咁我想知，個女仔而家點諗?，我從佢2個好好既fd口中知道左2個唔同講法，一個話個女仔講過佢feel到我中意佢，佢冇戀愛既feel，但另一個fd話，佢係怕，所以對我有戒心想避我。咁之後我都試過搵個女仔傾下，佢話冇野，話唔會主動搵人傾計先係咁，但佢咁講又好似前後矛盾，所以想問下各位有經驗既人對件事既意見，因為我都唔知點處理好，怕傷害左佢，但自己又辛苦，好難溫到書。