果陣我仲以為好好玩同過癮,諗住網上唔會比人發現既心態,依家諗返真係覺得好後悔自己當初點解咁衰,做埋D唔理後果同損害到其他人既野,好驚比人發現到原來我以前竟然咁過份做埋D咁既衰野,令到其他人疏遠同排擠我....真係覺得自己既行為同殺人犯無異,可能我既行為係其他人心目中仲過份佢地好多倍都唔定...
可惜一失足成千古恨,我依家真係覺得恨錯難返,好多次都係度諗,如果比我返到過去,一定唔會比自己再做呢D咁唔見得光既惡行....我真係好後悔自己當初點解咁做....
有時夜晚果陣唔知點解會無啦啦諗返起呢D咁黑暗既過去......好怕有朝一日會比人拆穿,發現我原來係個衰到冇人有既人,知道我過去做埋咁多唔見得光既惡行,令人覺得我係偽君子,更可能因為比人知道左我既惡行而比人插同排擠....甚至連朋友都會一齊疏遠我或者反面.....個心搞到有D心虛.....令我好多時都訓得唔安樂....
我諗我做既野應該都算係過份到冇得再過份,可能根本都會唔會有人原諒到我既所作所為..... 依家都唔夠膽可以話自己完全知錯,因為知唔知錯唔係我去決定,而係要其他人判斷,我只可以話自己對於過去所做既惡行好後悔同內疚,並要提醒自己唔可以重蹈覆轍....覺得自己根本就係一個十惡不赦既大壞蛋.....應該話可能仲過份過D罪犯好多倍....
呢D咁唔見得光既惡行起碼都發生左至少3至4年以上....真係好擔心有朝一日會比人憑著過去既零碎資料挖到以前D蛛絲馬跡同比人起底,就咁成為高登每月之星....諗起就覺得好不安.....
我又唔知點解又諗返曾經係新聞報導有人因為貪玩係討論區發放謠言導致社會出現恐慌而搞到比人拉既事件...令我依家開始意識到原來網上居然會咁可怕,竟然要為自己係網上既言論負責.......依家諗返其實都覺得自己算好彩,當年冇因為自己既衝動同貪玩而做出呢D咁既行為,否則真係一發不如收拾....可能因為咁比人拉同就咁斷送自己一生前途.....以前既我真係以為呢D野只係小事,點都冇諗過件事原來可以咁嚴重,真係愈諗就愈覺得心寒.....愈黎愈覺得到互聯網世界好唔安全同危機四伏.....實在好慶幸當初呢件事既主角唔係我.....
呢D野就只係得我自己一個人知,亦都唔敢比家人同朋友知我原來係個咁黑暗既人,可以話係有苦自己知.....
我實在希望多D人睇左之後能比多D意見我....THANKS....
更新1:
睇黎真係只要做過一次惡行就永遠不可原諒?嗚.....