父母搞到我好唔開心

可能係你既父母為你好姐,不過你父母都有唔岩.
如果言語上解決唔到咁我建意你可以試下寫信.
表達自己的感受,不過記住語氣要好d
不過,比我都頂唔信,可能會鬧返佢轉頭.
我會講:
人人平等呀!!!
點解你地可以有私隱我唔可以呀
我寫日記就係唔想比人知我d唔開心野
係咪我做咩野都要同你地講呀
你地咁鍾意睇你睇飽佢囉(跟住比我會張本日記x落地,返房鎖門)
不過你最好唔好啦

你媽媽可能擔心你識到D壞人,你不妨試下多啲主動同屋企人講心事, 同父母講其實日記記底的就係等於同佢地所講的事, 咁佢地就唔會咁迫你俾佢地睇日記

日記好似一個屬於自己o既世界,
o係唔願意o既情況下要比人睇自己o既日記,
就好似將自己裸露o係人地面前咁, 乜都比人睇穿睇透。
但其實每人內心都有自己o既感受到諗法, 唔會隨意表露出來~
我相信樓主你都係咁諗, 如果阿爸阿媽咁樣迫你o既話,
其實都幾難受, 樓主如果你想搵人傾下睇下有咩辦法可以解決到問題, 可以add我fb/msn, 我好樂意同你傾

fb/msn: [email protected]

你好~ 我感受到你好嬲同埋被人唔尊重既心情.
你既日記係你既私隱.當然, 無論年齡幾細幾大都好, 都係有私隱既.
每一個人私隠當然要被其他人尊重, 父母都唔例外.
你好想父母尊重你既私隠, 但佢地用父母既身份黎威脅你, 要你就範,
聽你甘講, 你父母的確有點不尊重你而且不講道理, 難免你會甘生氣.
當然, 為人父母既一定想清清楚楚知道自己仔女既一切, 因為出於保護既心態. 試想想, 當你有子女既時候, 你就希望以自己所有既能力去保護自己既小朋友, 希望佢地唔好受傷.
而你既父母睇黎真係好關心你. 但佢地用錯左方法, 侵犯你既私隱, 令你覺得唔受尊重. 你好想搵一個有效既方法去同佢地講, 希望佢地尊重你既私隱, 同埋希望佢地知道你大個仔, 應該開始有私人空間. 希望佢地唔好再當你係要被爸爸媽媽保護既小孩子.
其實依次係一個好機會去同父母好好傾下依個問題. 你可以試下搵一個時候, 如大家心情都好好, 心情好既話好大機會接受你所講既野. 大家坐低慢慢傾. 傾下私隱同埋尊重既問題. 用一個正經既語氣去同佢地講, 希望佢地尊重你. 記住唔好笑嘻嘻或者發脾氣既語氣同佢傾, 因為可能會有反效果.佢地會覺得你唔夠堅定同唔認真, 因而繼續用父母既身份壓制你. 如果你怕同父母兩個人同時傾, 你可以揀一個比較講道理, 脾氣好D個位黎傾. 如果你覺得面對面傾好尷尬既話, 你都可以用寫信形式黎向父母傳達信息.同佢地講你已經長大, 需要有一定既私人空間, 亦希望佢地尊重你既私隱.
如果你覺得有需要, 你可以搵一個更加保密既位置收埋本日記. 甘樣佢地想搵到搵唔到. 甘未無野好嘈交~
希望可以解決到你個煩惱.
支持你=]

做父母既關心仔女係好正常
你今年13歲
正好係青少年時期
亦係好多人既反叛期
你媽媽可能擔心你識到D壞人
可能驚你咁細個就拍拖
所以想知道你所有野
想唔比你有行差踏錯既機會
我明你媽媽既諗法
雖然係呢件事上面
我都覺得佢係過份左
但你睇在佢既出發點係為你好
就唔好再咁唔開心LA
你呢個AGE
話大唔大
話細又唔細LA
聽你講咁多
其實都覺得你係一個有思想有想法既人
既然唔再係細路女
就認認真真再灘出來同佢地傾
唔好講係"祕密"
如果唔係佢地總覺得你有野暪住佢地
養你13年你又話一直有傾下計
證明感情都唔錯
你媽可能亦覺得你地之間冇秘密
個女一直咩都同佢講
但你一句"祕密"
就好似將2個人既距離拉遠左
所以你可以坦白同佢講
"呢本係我既日記,我記錄左我每日發生既事同我既心情,我平時日常發生過D咩事..其實都有同你地分享過..寫呢本野只係想自己將來可以睇返..回味返今日發生既事..我好尊重你地係我父母..但我亦希望你地亦尊重我..每個人心底都一定有D自己既野唔想比人知..我諗你地都一定明白呢種心情..我唔比你地睇..唔係唔愛你地..如果你地堅持要睇..咁我以後就唔寫啦"
我覺得佢地會明白你!

5洗擔心,我覺得你冇錯=]
我以前都試過
你牙媽既睇法真係好有問題- -
咩咁細個人學咩人講私隱啫- -
每個人都有私隱,無論年齡幾多
尤其女仔=]
你不如同佢地CHAT下
講自己既FEELING
不過可惜呢代家長應該5會理- -(我父母都係咁)
我係D比較強硬既人=]
如果係我,我5會理佢地,
由佢嬲飽佢- -
因我覺得自己冇錯
道歉既係佢地^^

(純粹個人意見)

我個年齡同你差唔多，我覺得你啊媽系想你好(你阿媽真系有d八），你要直接同佢講
話呢本是日記，希望你能諒解我，佢可能以為你的《秘密》入面有d唔好既野寫系度
，你和你阿媽都有錯，你是不應該去甘大聲同你阿媽講野，你甘樣會令到佢更加怒
，你應該細聲甘同佢講。

明白你既睇法, 我諗你當初寫日記都係為左寫底一啲個人唔容易同人分享的感受, 梗係唔想俾人睇~

但想問問你有冇同屋企人傾心事的習慣? 你有唔開心或煩惱的時候, 除左寫底係日記, 會唔會搵父母傾訴下? 或者父母係想知你的秘密係咪啲煩惱事, 都係想關心下你~ 所以, 我會建議你下次唔好用私穩的理由去拒絕佢地, 就好似如果你最好的朋友成日用秘密, 私穩的理由而拒絕同你傾心事, 你或者都會唔開心, 覺得朋友唔夠信任你, 唔搵你講心底的事~

所以, 你不妨試下多啲主動同屋企人講心事, 同父母講其實日記記底的就係等於同佢地所講的事, 咁佢地就唔會咁迫你俾佢地睇日記~!!

如果仲有咩同屋企人解決唔到的煩惱, 歡迎你同我地夜貓大使同當值社工傾傾，我地MSN係[email protected]，我地會等你嫁~

2013-03-02 18:50:56 補充：
MSN應該是[email protected]