修Bio係咪一定要有chem底??

其實以對理科的整體了解度來看
同修phy chem bio 全理科的同學比單修一、兩科的
對該三學科才能作出最透徹的了解
因為其實三科互有所補足之處
例如身體由不同化學元素構成、運作
各種元素/物質對不同刺激所造成的物理反應也不同
而各種物理反應都對身體產生不同效用
所以其實三科知識都能互相解釋

但其實廣義來看，只修bio而不修chem亦無不可
因為以現在新學制的制度裏，不再重視全理科、全文科
不再要求對理科深入了解，而開拓文中有理、理中有文的全方位學習
在現行生物科的syllabus中，化學元素不再成為必須了解的部分
頂多只要求同學知道某幾種常見的化學元素
如O2 oxygen(氧), Ca calcium(鈣), K potassium(鉀)等
再加上幾項簡單化學等式如glucose + oxygen ---> H20 + CO2 + energy
基本上不修化學都會明白箇中原理
就算不明白，背了起來也足以應付
加上其實現在只修bio而不修chem相信大有人在
因此我認為這不算什麼問題

但畢竟選修不完全的理科在對學科的透徹了解有一定程度之窒礙
因此請　閣下好好考慮清楚，免得日後恨錯難返
祝　前程錦繡！

你好我讀緊新高中選修Bio及Chem嘅...
首先澄清返修Bio唔一定要有chem底，
如果完全對Chem無興趣而又鍾意讀Bio，
咁只選修bio唔修chem當然係得架啦，
蝕底呢就的確會比兼修Chem的同學蝕底少少嘅，
難明呢就的確會比兼修Chem的同學難明少少嘅，
不過真係少到唔係好覺囉，
有時可能睇唔明某D化學專有詞語(依個突然間舉唔到例)
/聽唔慣化學物質的名稱(例如硝酸鹽、氫氧化物、
丙糖磷酸/丙酮酸鹽、碳酸氫鹽指示劑等)
/某D物質的化學符號一舊咁唔知咩嚟(例如葡萄糖係C6H12O6)
甚至有D化學方程式要背但你唔知果抽嘢點嚟又只會噝Chem教你唯有死背，
(例如光合作用的文字方程式係二氧化碳+水→葡萄糖+氧，
但有時佢問你化學方程式就要寫6CO2+6H2O→C6H12O6+6O2，
二氧化碳同水同氧前面要6係涉及化學平衡無讀係唔會明發生咩事，
讀咗或許會幫助理解)
不過又唔洗咁驚你剛剛開始學的時候覺得難明好似蝕底咗咁係正常嘅，
當你睇慣咗同有keep住做練習的話就無咩問題架啦，

但通常D人修Bio都會搭埋Chem嚟讀囉，
其實我都非常強烈建議你修埋Chem，
因為始終兩個都係理科讀D嘢又有D關係，
我讀Bio果班同學讀埋Chem果D都佔咗一半以上，
雖然Phy都係理科不過反而同Bio直情可以話無關係，
通常都係Bio搭Chem或Phy搭Chem，
Phy搭Bio就會好怪，可見Chem其實都幾萬能，
所以我覺得你不如最好揀埋Chem嚟修讀，
不過如果你真係話對Chem唔止無興趣咁簡單，
而係超憎讀依科見到佢唔開胃都迫唔到你，
我都好明白要讀D自己唔鍾意的科目係幾咁痛苦，
因為其實我原本都唔係理科人依兩科好差，
係因為當初揀無可揀讀到依家好鬼辛苦，
我驚我的建議害咗你讀到好似我咁到時後悔莫及就唔好啦，
所以唉我只可以同你講句加油其他就交返比你自己諗下，
以上純屬個人愚見供予參考希望真係對你有幫助啦！！