有無人可以幫幫我，我好辛苦，男友問題
2013-03-01 11:38 pm
我同我男友拍左拖一年幾，我地從第一次約會已經食飯AA制，平時都係，節日佢俾，因為男友家境吾好，佢份糧吾多，around9000蚊，同埋佢要俾家用呀，第一次我倆同我的朋友食飯我地都係AA制，同佢朋友食就佢請，不過最近佢都對我大方左一DDD，總之我覺得我男友吾太捨得洗錢在我身上，但他好愛我，近排月尾，我同我家姐食放題我地叫埋佢一起食，今次食完後，佢立即第一彈起身去埋單，＠＠我O左咀，果刻我覺得佢變左第二個人（係未月尾出左糧），我同佢食飯咁耐，從未見過佢咁主動俾錢，講真我第一次覺得佢好男子漢，跟住我地再去食甜品，我細聲同我男友講我一陣請你，食完甜品後，埋單時我叫家姐俾錢，我男友話我『又話你請，你話你請我先食』，其實我係一個學生，我男友大我一年，同我家姐一樣。跟住，我在家姐面前講佢吾好D野佢可以惱我成晚。但呢一年黎我又吾覺得佢對我家姐有意思WO，而且佢好關心我同錫我WO，但點解第一次同家姐食飯，會變成咁樣，係未我諗多左？？
回答 (2)
2013-03-02 12:00 am
✔ 最佳答案
如果你真的感到佢係真心鐘意你, 咁就唔洗幻想咁多啦, 男人在家通常都是姑寒鬼, 但一見到外人就立刻扮有風道, 我識好多個都係咁, 尼啲叫做男人的面子, 所以就算同你一齊食飯的是另一個女仔, 佢地都會扮晒嘢,(其實內裏好肉尺), 另外,因為之前係你話你請, 但後來你要你家姐請, 你家姐唔知家媽, 所以佢怕你家姐唔會佢, 以為係佢叫, 怕你家姐要佢請返自己食先公平, 咁又會冇晒面WOW, 另外佢冇咁姑寒亦可能係加咗人工呢, 如果系即是佢之前要AA制真系冇錢, 而家加咗人工就冇所謂, 咁都系一件好事呀, 假如你真係鐘意佢就要信佢, 但如果你開始覺得佢對你好冷淺就唔同講法, 所以都系唔好幻想咁多, 況且你家姐都未必鐘意佢, 對嗎 ? 
2013-03-02 1:20 am
小妹妹，佢係大男人要面子心態。雖然你同佢都係學生(相信都唔細的學生吧)，但可能佢家境或家裏潛默化是要面子的人，尤其是在朋友或外人面前。你家姐對佢來講係外人或者係佢要show面子的人(不要問點解佢咁諗-你係你家姐個妹你係唔會明呀)，所以佢食完便第一時間去埋單，之後食甜品你家姐埋單佢唔開心係因為你出賣了他的面子(喺外人面前-包括你家姐-佢視你係屬於佢既人)，所以你話你付=你代表佢付錢。 佢咁細個已經係咁心理(很多爸係大男人的男仔都會係咁或單親家庭係外人面前唔可以認衰)，你唯有認命！可能你會問點解佢同你出街佢又可以接受AA或邏輯上好似唔當你係佢自己人？當佢只係同你時佢會諗我仍係在跟你「拍拖」，所以無理由要養埋你，但係你嫁咗佢又唔同講法；但係在外人面前佢係要表現出你們的「拍拖」係好像你係佢的女人咁樣關係，所以在佢眼中的「外人」面前你們係一體，但係你哋私下的話，佢還佢，你還你。
收錄日期: 2021-04-11 19:37:42
原文連結 [永久失效]:
https://hk.answers.yahoo.com/question/index?qid=20130301000051KK00138