男友態度大轉變

本身我男友對我好好
但係突然態度180度大轉變
吾再抽空打俾我,whatsapp我.
連d 'love u'都冇同我講過
但佢依然會同我講返到屋企個d
當初我都有keep住對佢講d情侶間會講既野,但得到d回覆都係'嗯'
我d fd 當初叫我吾好對佢咁熱情.冷淡d睇下佢會點
有時佢會同我講sorry吾得閒陪我個d,但除此之外結果都係冇變
依加d whatsapp內容都係'我出門啦'/'返到'
但前幾日佢有send'<3 你'俾我.但除左個次就冇啦

之前情人節(佢態度開始變左一排).佢有約人都有同我講.
雖然都有少少介意但係我都俾佢去赴約
因為佢有同我交代清楚同埋我可以接受.
個日我趁佢算得閒d既時間拎我好努力整朱古力俾佢(吾係熔左再倒模咁簡單個d)
佢一句多謝都冇 仲講笑咁叫我走.我知佢係講笑但我個下真係嬲到喊


加上佢話佢病左,我地已經冇見1個月(吾計情人節)
我有同佢講過我掛住佢個d.但佢吾俾我見佢.話會傳染我吾想我辛苦

我有問過佢到底我地既關係係咩.佢話哩樣野要問返我先岩
佢仲問我當佢講既野係咩
我吾明佢係咩意思.我再進一步問佢佢就吾答我
佢話如果講出黎就好可能分手
但要解決問題就要先知問題所在.所以我先叫佢講
結果佢倒返轉頭話我叫佢講係因為我想同佢分手

-補充-
當初一齊個陣佢同我講好驚我地會分手.好驚我會俾第2d男仔搶走
但我發覺最成日講分手個個係佢.佢講左幾次'如果你點點點我地就分手'
我吾明係我驚分手定佢驚分手
我地之前有嗌過大交.係因為佢覺得我睇朋友重過佢.佢同我講不如算啦
但其實因為我同ex有d吾好既回憶.散左之後發覺我身邊d朋友吾見晒
所以我開頭覺得朋友重要d
但我之後都改左.佢一得閒我就推晒d約會(除左家庭聚餐)
佢打黎我就只同佢講野.直到佢要cut線為止(除非我上緊堂)

我吾知我依加可以點做.
我依加有拍拖就好似冇拍拖咁
有人叫我小心佢有第二個..但我都係相信佢吾會呃我.只係佢病左+返工太累
我係咪太蠢?
如果我想同佢keep going應該點做?定我地已經冇希望