你依家有無做野架??想轉行定為興趣自學?
我之前有個朋友去左灣仔循道讀erb課程...
讀左一個月度...佢o個度會教一d基本o既美容野, 好似洗面流程, 倒模做面膜, 脫毛, 修眉, 做手臘, 修甲, 按摩....好多野學架...
(不過因為讀o既野都幾多, 所以朋友話都有d趕)
同埋呢d課程唔洗錢架...仲有津貼...(不過都係為左想學野, 無理有幾多津貼)
朋友讀完之後都轉介做去做美容...
(收入開始唔多...但都ok啦...o岩o岩入行)
如果你話邊d好d, 我就唔知...(因為無讀過其他)
通常其他o個d都要收錢...少則幾千, 多則萬幾至幾萬...
我自己覺得除非你好肯定自己已經好有好有興趣, 同十拿九穩肯定自己會投身呢行...
如果唔係讀左d免費, 拎d基本野都好....
人地間間美容院去做時都總有d唔同, 有呢d基本知識都可以去試下...
無謂先投資噤大,又唔知係咪真想做丫...
(但為興趣又唔同講法)
有興趣你可以去睇下..
http://www.methodist-centre.com/cies/training_content_1.html