冇腦幫人現金透支....但我唔想破產冇哂前途!!!

抱歉講個事實俾你聽...

應該無咩方法可以要佢還到, 尤其如果係你由頭到尾都知道果個人要你幫佢既目的, 而你又自願幫佢現金透支既更加無可能, 否則(假設你係俾人厄)既話, 可以試下從法律途徑起訴佢...

入正題...樓主可以參考下...

我認為呢個做法只係無辦法之下既辦法

你可以試下搵返果間銀行(又或者其他銀行)借一筆錢, 填左呢條數先, 因為日日計息都唔係辦法...借呢筆錢既時候同銀行傾睇下可唔可以分期付款還定點...

如果銀行已經將你black list唔肯借錢俾你, 你就要嘗試下出去搵間有誠信少少既財務公司...問佢地借一筆填左筆數先...雖然佢地息口高好多...但係至少你可以挽回銀行對你既誠信...你宜家先21歲, 如果銀行對你無唒誠信你都好大獲, 你往後既日子想再同銀行借錢都難, 無理由下下出去搵財務公司捱貴息

宜家暫時唔好諗點吹果個人還錢住喇...顧左你自己先啦, 你顧得佢黎, 你自己又咁日日俾銀行計息...

不過其實我最建議既做法係...同呀爸呀媽講!!!
你係佢地個仔, 同佢地講最多俾屋企人鬧, 但至少佢地大人會有多d辦法幫你, 就算佢地唔幫你還唒, 起碼筆數3個人分點都好過1個人自己硬食掛!!!

同你分享我一個經歷
我早幾年18歲果陣就係信錯左個朋友, 俾佢厄過左我成皮幾野 (層壓式推銷果d)...
到最後真係發覺無錢還, 果陣仲要差一間銀行+一間財務信貸公司既錢

我到最後唯有同我呀媽講, 俾我呀媽鬧到我xx, 我呀媽仲要唱通街搞到我個個親戚都知...當時我都好反感, 幫唔幫我還都好, 做咩要將屋企野唱通街!!!???
不過為人父母自己仔女有事唔會唔幫
佢一筆過幫我還清d債
當係佢借錢俾我
跟住每個月扣起我2/3既零用 (淨係俾1/3我洗╤﹏╤)
我又將我以前草落既錢還俾我呀媽
呢種無錢既生活過左成年幾

所以自此我都唔會借錢俾人
就算真係借俾人
我會預左果個人唔還
同埋當自己好似買野咁
將舊錢已經洗左出街拎唔返既情況之下, 自己都可以生活到既話
我先會考慮借俾人

樓主你要盡快揀一個辦法take action喇, 再拖你d日息都唔知點算.........

祝你好運 :) +油~

2013-02-26 13:03:55 補充：
補充一句, 我唔肯定債come債既方法係咪最好...所以我認為你一定要搵銀行/財務公司傾傾睇下有咩解決方案最適合你自己 :)

我多時都會重遇返幾年冇見的朋友.
佢地一揾你多數係圍繞住金錢..... 還有冇見你咁多年. 突然找你都要小心.
你識佢個陣好人. 幾年會變架.. 防人之心不可冇.

其實你冇能力就唔好現金透支. 你估借錢唔洗還咩.
息口好西架. 借多少, 快還也會計你一個月30天的利息.
你個位所謂的朋友. 擺明呻你啦. 你竟然信佢會還比你.
分分鐘佢冇欠人錢. 找你做水魚咋.


你欠錢還唔到. 只要有欠錢. 人地銀行內都通哂天. 你個信用係唔好. 加上會查到你個人財政. 收入. 個的. 你只有21..

不如你去報警.
話比差人知你比人騙財. 看看有否得救. 個位唔係你朋友. 唔好當人係朋友. 對方擺明有目的埋你身. 幾年不揾你. 而家先揾你. 一揾你問你借錢. 你仲要同佢做擔保人. 借錢比佢.