中國加深其他國家的關係既意義

先回應中國和北韓關係(以下簡稱中朝關係)，中朝關係自１９９２年中國和南韓建立正式外交關係已不復以往親密，並在稍後中國支持南韓加入聯合國（背景：南韓和北韓在此之前均不是聯合國委員國，兩國如加入聯合國，意味承立兩國的合法國家地位。而中國一直都主張一個韓國，即是北韓才是合法代表韓國的國家，南韓不是），更提議北韓一起申請。這一連串事件令北韓不滿，自此兩國已不是傳統的親兄弟關係。

近年，北韓不給中國面子，堅持發展核武，不肯重返六方會談，亦不作任何讓步。更令兩國只係形式上的朋友。2010年，金正日訪華，與胡錦濤會面。有別於傳統合照時攬頭攬頸(所謂的同志式擁抱)，只是握手示好，已顯示出兩國連形式上的親兄弟關係也沒有。而在訪華不到一星期，北韓宣佈成功研發核聚變技術，更加係不俾臉中國（因中國一直希望北韓放緩核武發展，以重返六方會談）。到依家北韓核試成功，在不少內地憤青和激進軍官眼中，北韓係一個反骨仔，不值中國幫助。環球時報更話北韓如因核試俾美國打，係咎由自取。反映兩國的密切關係早就名亡實亡。
當然，態度強硬不代表行動亦強硬。中朝邊境接攘，一旦北韓被美國，或者係有美國幫手的日本，南韓攻陷，意味中國直接面臨美國威脅到邊境的安全，中國係不會坐視不理。而且依家在亞洲，中國極之孤立，不說日本，南韓，澳州，菲律賓這些美國盟友，就連越南呢個社會主義國家都和美國有軍事合作。目下立場明確反美的，只有北韓。因此如果北韓被攻陷，意味中國在亞洲面對的都是美國的盟友或者和美國關係密切的國家，進一步孤立中國。所以中國絕對不會眼白白睇住北韓死，呢個亦是北韓敢不俾臉中國的原因。即使中朝已經無左密切既關係，但佢地依然會互相利用。
至於中國應和哪些國家加深關係，其實中國如果想在國際上提升地位，提升影響力，可以和愈多國家加強合作就愈好，尤其是佢的近鄰。
如和俄羅斯加強軍事合作，可參考俄羅斯軍事，提升中國的軍事技術（不過俄羅斯肯不肯俾中國參考就係另一回事）。中俄2001年(大約，不太記得)前和另外4個前蘇聯國家搞左個上海合作組織(SCO)，六個國家一齊對抗恐怖活動，分離主義，並發展經濟。中國或者可以利用呢個組識加強和俄國﹑中東國家的軍事經濟合作(不過首先要解決中俄在呢個組識爭做領袖的問題)。
又如和日本，菲律賓等有領土爭議的國家加強貿易往來，經濟上互相依賴可以減低因領土爭議而引發的軍事危機，緩和緊張關係。
至於遠的地方，和非洲國家加強經濟合作，一起開發當地礦產﹑天然氣，可減少中國對土地天然能源的依賴，尤其是天然氣對石油的影響。另一方面亦可以得到穩定的能源提供，有助發展中國經濟。
而美國，美國一直擔心中國會威脅佢世界一哥的地位，所以不信任中國。中國想改善呢個現況其實好難，最多經濟上多些往來，更加兩國貿易。又或者作小讓步(前提對中國無大害)，例如匯率。要中國在人權﹑意識形態，或者軍事開支上作讓步，會令中共覺得俾人干預內政，就算改善到關係，都咪使旨意中共會屈服。

2013-02-26 21:55:02 補充：
中國和巴基斯坦一直好老友，尤其係中國和印度領土爭議持續，而巴基斯坦和印度又係世仇。70年代中美之所以建立正常外交，亦因為巴基斯坦協助。
兩國依家在軍事，經濟都有密切合作。尤其是軍事，如合作研製梟龍FC-1﹑MBT-2000坦克（主要係中國開發，再幫巴基斯坦生產）等。
中國和巴基斯坦關係密切過和北韓，咁多年都無咩爭議，兩國關係應該會繼續保持落去。不過巴基斯坦同樣亦係美國盟友，兩國曾簽巴美共同防御協議(N年前)，9.11美國反恐打阿富汗，巴基斯坦亦有派兵幫手（巴基斯坦和阿富汗邊境接攘）。但11年美國海豹部隊在未通知巴基斯坦情況下秘密入巴基斯坦境入殺死拉登，令巴國極之不滿。

2013-02-27 22:05:12 補充：
回樓主，南美其實好大，阿根廷﹑巴西﹑巴拉圭﹑烏拉圭etc,大家政治經濟情況都不同。而且我本人對南美國家情況不熟（除左足球），只知南美有美國後花園之稱，過去和美國好熟。大概咁講，中國和南美諸國近年亦加強經濟，能源合作（尤其是同屬金磚的巴西）。不過中國和南美諸國不是鄰國，政治體制不同，而傳統呢班國家又係親美，政治體制都係接近美國，仲有美國一直好重視拉丁美州，幾百年前未係大國時已經出左門羅宣言，叫班歐州大國不好搞美州。中國和佢地好難有密切關係。和佢地加深關係，最多咪多些經濟能源合作，但極有可能得罪美國，而且加深關係係雙向不是單向，中國想，但人地不想，一樣加深不到。

2013-02-27 22:05:17 補充：
南美和美國依家關係近來不是幾好？呢樣我真係不知，只知美國和南美國家經濟一直好密切。而且南美有豐富能源，又係美國後院，美國非常重視呢個地方。相對地，中國和南美太遠，無咩戰略意義，南美和美國關係應該好過和中國。

2013-02-27 22:38:15 補充：
超字，餘見意見欄

2013-02-27 22:38:27 補充：
記得之前睇過本書，提到中國和泰國的關係，在眾東南亞國家中算係親近，中國自00年西部大開發，和泰國發展加強經濟合作，尤其四川雲南一帶，因為和泰國近，經濟合作更強。

軍事上，泰國的確有向中國買好多武器，如護衛鑑。但同時美國卻向泰國賣武器，兩國更加有軍事合作。美國會否係中泰關係的障礙，係一個好問題。

2013-02-27 22:39:01 補充：
樓主似乎對中國對XX國加強保持密切關係好有興趣。其實以今天中國的國際地位和傍大市場。只要可以和各國保持到依家的關係（除左日本菲律賓），已經好好。根本無需要和個個都加強。國際關係係好複雜的事，尤其當中國係一個崛起的國家，又採用專制的政體。中國如果做到咁出面，要和世界各地都建立仲加強密切關係，只會令美國眼紅，懷疑中國不停結盟，威脅美國世界盟主地位，長遠只會令美國為難中國。對中國根本無好處。中國只要和鄰國打好關係，和日本﹑菲律賓等緩和緊張，就已經夠在世界發揮影響。

2013-02-28 00:04:37 補充：
咩叫密切關係，本身亦是一個問題。如果要好似美國和以色列日本果種先叫密切，咁中國依家的密切"盟友"，都無邊個。北韓極之勉強算係。非洲經濟上係，但政治﹑軍事上不算。或者巴基斯坦都算和中國有密切關係。

至於泰國，南美呢Ｄ國家，最多係經濟夥伴，唔算有密切關係。

國際關係講究的是互惠互利，合作得到的著數大過成本﹑爭議，就可以建立合作關係。至於密不密切，其實一點都不重要。
中國和北韓﹑越南以前夠關係密切，依家咪一樣互相盤算。越南呢個社會主義國家仲和美國建立軍事合作，向俄羅斯買武裝牽制中國，有所謂的"密切"關係，又有咩用～

2013-03-10 21:39:24 補充：
更正番：
係南北韓先加入聯合國中國再同南韓建立正式外交關係。

Population India Of Usage
2021 = ?
2020 = ?
2019 = ?
2018 = ?
2017 Quantum Inside Ocean Ebase
2016 = ?
2015 = ?
2014 = ? 64 + 65 + 66 + 67 + 77 + 86
2013 Sea Identity Ocean Ebase 86 + 85 + 84 + 83 + 82 +

Way I Like China 2017
Way I Like China 2016
Way I Like China 2015
Way I Like China 2014
Way I Like China 2013
===============================================>
26 Legal Everywhere Nowaday Inland Use No.8610+886+853+852