印度軍事發展/軍事技術？

阿風兄﹕你所提到平可夫的文章，對印度之軍事評論，大部份是對；唯"但亦因為自己研發，缺乏實際經常，時不時忽略實戰考慮，道路坎坷。"這點，是值得相搉。
從來科技發展，是一步一步慢慢類積經驗、發展出來。如你想快速得到有關技術，就只能以各種手段，包括偷、呃、騙而來；當然較正路的還是買回來。所以，中國經常比人話複製俄羅斯技術(這已是較比面之說法....)。
話說回來，印度無實戰經驗；這確是事實。因印度幾十年以來，都只是有內亂；對外亦只是有巴基斯坦。可以說，大家都是"海軍鬥水兵"；只是最近，才出現中國之問題。
而印度對科技發展，現在只是剛起步，將來會如何；實在是未知因素。我個人認為，是比較樂觀﹕因為國際間，已有很多私人公司去印度發展(商人是很聰明及先知先覺的)。而且在it領域、或學術領域，印度人亦有很多新點子(去utube就可找到很多)；可看出，印度之it技術，並不會太低。
至於印度之軍事發展，其實與科技是雙輔雙乘；經濟好，科研就有資源，科技就得以發展。現在，可能還有很多問題；但得到美、俄幫助，我看不到前路坎坷囉!!!!

2013-02-27 00:23:55 補充：
係中國唯一一個依家仲有陸地領土爭議的國家
--------------------------
你這論點真是可圈、可點。事實中國與俄羅斯，原本是有海參威一帶之土地爭議，原在已完滿解決了；就是中國再不與俄羅斯爭取.....>_<

至於印度﹕你易地而處，看到中國這樣與日本爭釣魚台，相信任何一個國家都會驚。

2013-02-27 00:39:34 補充：
能發射"一箭七星"，都可能是租用別人之科技去達成。但我是用utude去觀察、新聞資訊去考慮。
steventw話印度未造出平板電腦或手機；事實印度是有造出過電腦仍至平板電腦，平價供國內中、小學使用。可能因為是使用linux系統(對microsoft之抗議)，所以無流出過國外。
我個人認為，當民用產品都有相當成果；軍用就不可能會差得太遠。

該"一箭七星"，當中是有導航衛星在內，就即表示印度有能力、有需要操作一個獨立導航系統喇。

2013-02-27 12:19:33 補充：
當然，釣魚台最近之問題，是由日本引起先。

但中國之處理，實在是有點霸道。如果中國先同台灣溝通，一齊去日本對抗，情況就可能會完全唔同；而且亦有助兩岸統一。
因為在美國管理釣魚台時，是從台灣接收；當美國轉送日本時，亦是台灣首先出來抗議。與台灣連成一線，加上中國之國力，是合情、合理、合法的。

2013-02-27 12:28:18 補充：
中國這種做法，除了有關釣魚台附近之資源外；還有就是想突破第一島鏈，想將釣魚台成為橋頭堡。
但如果可統一台灣，第一島鏈就不攻自破；又何需著意那小小之釣魚台呢?

2013-03-01 12:50:36 補充：
我唔知道steventtw點解會覺得好笑?
"核潛仲搞笑，未裝反應爐就(下水)先"；這在70年代，中國建潛艇都是如此做。相信很多國家，在建立潛艇生產線時，對潛艇防水能力有嘩疑，都會如此做。

2013-03-01 12:55:54 補充：
我唔知小弟反而幾欣賞大陸既處理手法，唔主動要求台灣一齊保釣，但台灣有事一定幫，咁樣反而大家好落台，我覺得最緊要中台兩岸有共同目標，一齊抗日，點樣做唔係咁重要。
---------------------
在保釣項目上，唔預先聯合台灣去做；而私自強烈向日方曾取。阿steven為何會覺得中國是在正在幫助台灣、而不是為了自己利益呢?

Miner's An Indian Born In 1958.09.20
Miner's Hate Obama Of USA President Use 2012+2016

志雲兄提到印度製造左好多平板電腦比全國中小學，小弟對呢件事略有所聞，知道啲電腦既價格真係非常平，可以少於1000蚊港幣有交易，係Google 出平板之前係破盡世界紀錄既超低價，亦係人類社會少數成功既國際公益計劃之一，據我所知呢個計劃有聯合國參與幫助。

印度不少產業以規模及營業額來講係世界頭幾名最大既國家，印度電影業係全球首屈一指高產量，不過同好多產業一樣，呢啲產業大部份只在印度國內流通及發展，無法面對國際市場，而佢地既規模及營業額完全靠龐大人口消費支持。當然，咁樣已經非常成功，但又坦白講，未能衝出國際既產業好難話係世界一流，中國亦有類似情況，如汽車業及鋼鐵業，雖然一樣係好大，但一樣大而不強。

印度軍工亦係大而不強，甚至係唔係大都值得商榷。阿瓊坦克有晒全世界幫，但竟然可以研製左四十年之前，連本國陸軍都唔想要，只係勉強裝備少數來撐場。所謂既核潛仲搞笑，未裝反應爐就“下水”先，跟住吊番上岸再執埋啲手尾。新抗母用既只係較簡單既鍋爐技術，但竟然連最基本既隔熱磚唔過關，成個鍋爐爆炸，然後仲要賴地硬話啲磗係中國造。好想問下印度朋友，你明知啲磗唔過關，點解會用來裝備最新銳航母既關鍵鍋爐部份﹖如果印度真係咁犀利，點解隔熱磗咁小事唔用國貨﹖

想回應下中台合力保釣。呢樣野當然所有正常既中國人都想，只有漢奸走狗會起勢反對，不過有時要體諒下台灣既處境。畢竟中國始終有入侵既可能，馬英九及國民黨政府對中國幾有好感都好，佢地都唔可以比中國指揮，因為對住大陸台灣已經全無優勢，如果連少少既獨立性亦輸埋，咁台灣就完全威信掃地。小弟反而幾欣賞大陸既處理手法，唔主動要求台灣一齊保釣，但台灣有事一定幫，咁樣反而大家好落台，我覺得最緊要中台兩岸有共同目標，一齊抗日，點樣做唔係咁重要。

2013-03-02 14:03:36 補充：
風兄既一席話正好講出小弟既心聲。印度近來極為猖獗既強姦案對我來講非常震撼，我非常震驚廿一世紀既今日竟然有如此赤裸裸道德徹底淪喪既所謂國家。強姦暴力罪案係全世界日日發生，但從無一個國家好似印度咁赤裸裸無能及冷漠無視罪案發生，亦從無國家好似印度咁公然侮辱人既尊嚴。相對來講，中國大陸既情況比佢好唔只一萬倍。印度呢類極端踐踏人性尊嚴既國家，比佢發達實在無道理。

Bi Developing Militaire 2033
====================>
Population In Powerful Use ?

可圈、可點？咁客氣呀。
俄羅斯點同印度比.....唉，又係令人心痛的歷史。
不過我對印度就真係不熟，只係知佢依家和俄國﹑美國幾好，同中國﹑巴基斯坦就係世仇，不過中印之間又有密切經濟合作咁囉。

中國和日本爭釣魚台（其實我真係幾欣賞你用釣魚台不用釣魚島），好似係日本仔買島先撩起喎？中國總不可以當咩事都無和日本繼續合作愉快吧？不過講真，中共依家的強硬態度真係令我吃了一驚，一改以往講就天下無敵，做就有心無力。睇黎習總係有番些少料道。

不過姿態強好了，千萬別真大。中國一定會吃虧，相信呢個道理習總會明的。

2013-02-27 00:51:58 補充：
我諗起一樣驚的事：
中共2010年同美國官員私下講，南海係中國核心利益(core interest),即係等同西藏，台灣，不容外國干預，必要時更會採用武力捍衛；呢番說話之後被大肆報導，印度聽到都咪話唔驚。

2013-02-27 01:05:20 補充：
錯字：千萬別真打～～

2013-02-27 23:03:16 補充：
我好同意你所講，中共係應該和台灣合作一齊對付日本。中共都想，但台灣似乎唔想。之前台灣保釣船想去釣魚台，但結果俾日艦趕走。中國海監船想護航，俾台灣的船叫走。其後馬英九就公開表示不會和中共聯手保釣。民進黨蘇貞昌仲話在釣魚台立場和美國一致。究竟台灣肯不肯和中共聯手保釣？我覺得幾困難。

當然如果佢地聯手，憑藉台灣的地緣優勢，加上中共的軍事科技，勝算將會大大提高，之前亞洲週刊有篇文詳細報導過：

黃銘俊：兩岸軍事聯合保釣的戰略優勢

http://www.yzzk.com/cfm/inews.cfm?Path=2203672622&File=20130128/yz041625.htm

2013-03-01 20:06:26 補充：
為何會覺得中國是在正在幫助台灣、而不是為了自己利益呢－－

其實中共有幾可平等對待過台灣？一直以來中共都當台灣係日本美國的棋，想台灣和平回歸但就從來無當過佢係平等地置～其實PRC和台灣的情況幾似南北韓，只係中共一直都無承認過。

中共覺得釣魚台係自己的，台灣應該協助佢一齊和日本爭取，但就無想過幫台灣去爭取，因為在中共眼中，台灣只係高香港澳門少少的自治區，根本無資格同佢爭釣魚台。睇番環保時報在台灣保釣船拒絕中國海監船的評論就一清二楚：http://news.sina.com.cn/pl/2013-01-25/072026119444.shtml

2013-03-01 20:06:34 補充：
正如steven兄講，台灣如果同中共一齊聯手，好大程度會俾人（尤其是台灣人）覺得馬英九係依附中共。以依家馬英九的民望，連國民黨內部對他都不是一致支持，佢點可能在呢個時候叫中共幫佢保釣？

2013===============Ocean G2023?
Main America Of Usage Ocean G81
?=========================?
Muy India Of Usage Ocean G20
?=======================?