勁唔開心.勁煩..搵人救下我呀.

大約系1月尾左右.我同個男仔開始熟.我同佢成日系班上面串對方..有時又系wtsapp群組串.(但果陣都有keep住單獨wtsapp)串串下我覺得自己中意左佢.果段時間我一放假就好掛住佢.好想佢搵我同wtsapp我.見到佢溝女我就會好唔開心.

大約年初一果段時間.果陣已經放緊新年假.我晚晚同佢wtsapp到好夜.同埋傾傾下系言語間我睇得出佢中意我(認真).因為佢講d野都幾白下.又幾曖昧.但系佢冇講佢中意我.

跟住過左一,兩日左右,佢話想約我情人節去睇戲.我應承左.

情人節果日.我地睇完戲行返地鐵站果段路身邊有勁多情侶.但因為我同佢都冇講過中意大家.所以果陣埸面都幾尷尬.所以全程都冇乜點講野.

情人節第2日.佢約我陪佢返教會(其實一月陪佢返過一次),但系唔知點解.我話唔想去.佢話想我陪佢.又話掛住我隻倉鼠.好想睇下佢.我竟然覺得佢煩.最後我發左脾氣.佢講左句''咁算囉'',之後打左個唔開心既表情符號.跟住我唔想佢唔開心.我講左句''下次陪返你啦''.跟住佢就好似冇乜野.但其實因為果陣我覺得自己已經好似冇咁中意佢(因為佢多左好多同我講野,我開始覺得佢煩)所以先推佢.

之後問題就黎啦.前兩日開學果陣.我同佢系學校已經冇好似以前咁多講野.佢以前派野果陣.會將d野輕放落我張枱.但系琴日.佢竟然一野''pat''落黎我到就算.放學果陣,我望到佢系咁溝女.我好唔開心.之後夜晚我wtsapp佢同佢講野,佢已經冇左放假果陣咁熱情.成日格勁耐先應我.

我真系好唔想失去佢.我唔明點解我會咁蠢.佢熱果陣我冷.佢冷果陣我又開始熱.有冇人可以教下我點做??我真系好想挽留佢.