鍾意既人同左個fd一齊, 如何放低....

我一直暗戀一個男仔, 本來係同佢愈來愈熟
但係我覺得佢唔鍾意我
我覺得同佢熟落去, 又唔鍾意我, 咁樣對住佢, 我會好辛苦
加上我唔想影響到學業 (冇拍拖就已經成日諗住佢, 專心唔到, 怕即使發展到, 都毀左自己既前途, 甚至最後都係分手收場, 而2失), 就同佢慢慢疏遠

事隔幾年, 之前既疏遠, 一D作用都冇, 我仲無時無刻諗起佢...
最近發現佢同左我好朋友(A)拍拖
gathering 既時候, 另一個fd (B) 不斷講佢2個
已經好唔開心
過左陣個男仔仲出席左
我成餐飯都冇乜出聲, 冇乜望佢地2個, 尤其個男仔
到返到屋企, 都只係喊左陣
我以為我冇乜野, 可以放低..
因為之前個男仔同個我唔識既人拍拖, 我喊左好耐
諗住今次喊得咁少, 應該冇乜野
點知之後幾日, 個心仲係拿住拿住
第2次gathering, B 又係度講...

我而家已經大學
好多人都覺得大學應該好輕鬆,
但我讀果間大學, 我讀個program, 加上我之前個gpa
我唔可以鬆懈
如果唔係就要quit u...

加上佢已經同我好朋友拍拖
即使佢地第日和平分手
我都唔會同佢一齊...
唔想再諗住佢...
究竟可以點..


d fd不斷肆無忌彈咁講, 係因為呢個世界上, 係得我一個人知道我鍾意個男仔
而家同佢拍拖果個fd(A).. 我之前覺得佢係 "覺得我鍾意, 但唔肯定"
但上次gathering, 都係佢突然叫個男仔出席, 仲要某程度上係見我同佢好耐冇見先叫..
我唔知佢係唔知我鍾意, 定係諗住我已經放低左..

唔通唔見我d fd?
我又無理由而家先黎同我d fd講, 我其實鍾意個男仔,叫佢地唔好講...
不過好彩既係, A 我本來都係3,4個月先見一次, 係今次先多左次
其他fd大d機會見到面, 不過我諗A唔在場既話, 其他fd都會好少提佢地2個既...
但就算冇見到d fd 提, 我都係會諗起..........

我冇嬲/憎我個fd
因為佢應該真係唔知我鍾意個男仔, 就算知, 都過左咁耐同埋係我自動放棄先
不過而家佢做平時都會做既野 (訓落我膊頭, 攬住我) 我就覺得好抗拒 (但我冇表現出黎)
其餘只要佢唔係提住個男仔, 我都會好似平時咁對佢..

始終個心都係好唔舒服
冇辦法唔諗..
點樣可以放低..