半夜由山頂回去佐敦？？？？？？？

首先,你去山頂去到咁夜做咩??!!

因為山頂係冇任何通宵車,除咗的士!!

專線小巴1山頂開尾班車係00:25,新巴15就係01:00,即係你嗰個時間都只係非常牽強趕到15號巴士尾班車.

由於15號線要經灣仔半山司徒拔道上返皇后大道東先去到金鐘再去中環,而由中環/金鐘過海去九龍通宵路線都係經紅隧(等到15號去到中環金鐘日間過海線都大致收晒工),即由中環開出會經金鐘,所以係喺金鐘轉方便D. 不過唔好意思,中環/金鐘係冇直接過海巴士去佐敦既(又唔係完全冇既,不過係去機場既N11囉,斷估你唔會想畀搭去機場既車費去佐敦掛),只有去九龍東嗰邊. 所以由頭到尾最後你係要搭三程巴士先返到屋企...

新巴喺金鐘太古廣場落車之後經天橋過對面,行去近統一中心處轉乘過海巴士N121去到紅隧落車再以同一張八達通卡免費轉乘過海巴士N122.