電腦 硬碟 問題!!!

一般來說，如果你個機箱夠大，火牛又有多個hard disk，而且有多個hard disk接口，就咁加個係最快捷方法。
安裝好後，入windows，佢話找到新硬體等，new partition, format, 搞完後多個d:可用。(或者後幾個字母)，九百幾gb可放野。
如果冇位放，唔夠插，或者唔想機箱咁熱，又或者500gb另有用途，咁就麻煩少少。
方法一，用新hd重裝一次windows，然後接舊hd，將資料抄過去，跟住拔走舊hd
方法二，用GHOST，或者其他hard disk copy程式，將二個hd接好，一抄一，但如果生手就要小心，揀錯source/destination可以清袋，乜都冇曬。抄完後只要拆去舊hd就得。
partition：
如果你唔玩multi-boot，(多個os)，界一個最簡單。而家大部份廠機都係一隻c:，1000gb算。
好多『用家』都係咁介紹，簡單。
個人意見，呢個對初哥最好，(包括一般用家)。
我會界成二個，c:一般用100gb，餘下給d:。理念係c:足夠系統用就夠，如你安裝軟件多，可以加大，只玩少量軟件，可能60gb已夠。
原因(1)系統執行時會產生大量暫存檔，週期短，令c:會變成分散，如果加上你玩bt等，令c:的效率低。在死機等情況，令檢查時間長，和出錯機會大增。但d:，即另一個parition，由於檔案生成/剷走沒有那麼頻密，放在這裡就安全得多。
如你有大量個人相片等，基本上抄到磁碟後很少會刪，停留在c:會和暫存檔同時處理，出錯機會大得多。
原因(2)如果你懂得玩ghost等，可以替c:做個影像，可以完全倒翻轉頭，(windows的restore好多時都唔得，尤其係中毒)，ghost可以百份百倒模。沒有d:根本做不到，因影像不能放在同一partiton。
況且，如果你一個c:100g，根本無多100gb比你做image。
不好處：部份程式好難把資料設在另一處，如itunes，必定會在c:個人資料夾下，而你又只會用itunes自動sync，library會好大，c:設為二、三百gb較好。
另外係如果你玩bt，一係安裝好bt程式後，將下載資料夾改一改，指到d:\bt，或者每次下載檔案完後，手動把完成檔案搬到d:儲起。

1. 機箱用的電只係好小,所以你唔需要擔心這個問題
2. 隨你自己喜歡,如果唔想重裝windows及做資料搬移最好加多個硬碟好了
3. 1個分區會好點