我好痛苦, 只係想知道我呢種心情係究竟想點?

拍拖7年, 我女友係一個好自以為是既人, 好高要求有學識既人, 佢覺得佢自己的唸法永遠係啱,
唔會接受他人意見, 雖然我自己都係大學生, 但我知同佢咬, 永遠都係輸, 所以都慳番啖氣,
咁多年來, 佢從來都唔會讚我, 我問點解你唔讚下我, 佢話點解要人成日讚,
做得好係應份的!!!

初初我都好唔開心, 但係耐左我開始唔太在乎,
也不太期望佢是否會欣賞, 總之平時我都會做足本份, 盡量去就佢,
而我自己冇咩喜好, 平時可以做到, 我都會就佢, 雖然有時我都會發下脾氣,
例如佢話肚餓, 我買野比佢食或煮埋比佢食, 而若果係街食野佢每樣都話難食, 除非去D
好好味的餐廳, 例如$1000元以上的餐廳吃.

我係一個脾氣唔好的人, 但係表面上無人知道, 因為我唔會亂向他人發脾氣,
除非對方說話好挑釁, 而我女友每次說話都會好挑釁令我好嬲,
我同佢咁多年都盡晒力對佢好, 但佢樣樣都好似唔滿意,
咁就以為佢想分手, 疏遠佢, 佢又發DIN, 原來佢又唔係唔鍾意我,
把口就講到好鍾意我, 但佢做任何事無一件係想令我開心咁,
我講咩, 佢都一定會有好多意見, 總之每次終結都係因為我唔再講d咩...
講到天文地理, 知識方面的事, 佢就一定會加好多意見, 講真佢係叻的,
但其實佢講既野未必係岩, 但我都唔會話佢唔岩, 因為佢目的就係一定要win.

例如我好鍾意吃普普通通的平民日本菜, 佢永遠都唔會陪我去,
我鍾意既野, 永遠佢都唔會陪我做, 久而久之我已經習慣自己做,
講真我本來係對愛情好有憧憬, 但現在我真係冇晒了,

有一天和她去吃飯, 然後埋單時說由我請吧, 她問點解我請,
我說因為今天是我們的特別日子, 佢竟然發din話唔駛我請, 話呢日佢已經
唔會再放係心度, (因為以前曾經唔係咁開心), 但我唸住已經過去, 可能特登
話慶祝就觸動到佢情緒.... 之後佢就嬲左成日, 又話要分手, 又趕我走,
但我冇走到, 因為我知佢唔係真心想我走, 以前試過走, 佢攞把菜刀坐係門口
唔比我走

我現在好痛苦, 自問自己係一個對女友好的男友, 只係男人唔係太鍾意表達出黎,
但佢真係好難頂.....同佢一齊我跟本做唔到一個有尊嚴的男人,
佢內心係超級看不起男人的, 成日都話d男人冇用.
幸好, 我從來都唔會比佢影響到, 否則我會變得好冇自信,
但係相比起以前的我, 我的自信係有比佢打擊過唔小,
之前我曾經同我老闆娘傾開計, 老闆娘係幫老闆一齊打江山的,
我問佢男人背後的女人係咪對男人好重要, 她睜到隻眼好大話"絶對係",

平時佢去我d朋友的聚會, 我多數都會陪佢去,
身邊個個朋友都識佢, 覺得佢好好, 每個人都幫住佢,
我跟本無人可以傾訴, 內心好屈結, 好想喊, 好痛苦....
以前都試過呢種痛苦感覺, 試過一年裡面成日唸想訓訓下起唔番身,
咁就可以脫離痛苦.....