香港培道中學vs聖羅撒書院

樓主你好!

香港培道中學vs聖羅撒書院
培道近年真的搞得好好, 上位極快, 入讀保證不會後悔
我昨日有去培道ge資訊日. 學校內外環境很好, 校園很大, 很新. 學校信念1)使學生不斷提高自信; 2)使老師, 學生+家長都不斷成長, 3)老師隨和, 與學生亦師亦友; 4)有很多配套使學生英文提升......等. 給我感覺很好很好, 覺得係Band 2生很好ge選擇.如我有錯, 勿插
香港培道中學
教學語言政策規劃
2010/11學年開始實施

本校中一開設四班，其中三班是英文班，餘下一班則數學科及科學科用英語教學。

http://www.pooito.edu.hk/PooiTo/admin/201011/201112Entry.html
校風淳樸, 是中中女校, 有2班英文班.
微調之後全級要讀3科英文, 分別是ENGLISH / SCIENCE/ MATHS.
如入了英文班, 電腦科 & 中外歷史與文化科 是英文的.
F,1 - F.3 要留校食飯, 不得外出 (著普通校裙)
F.4以上就可以外出食飯. (著長衫)


早 10 月去聽簡介會 , 校長講明給家長知 , 就是不要期望此校學生是開開心心上學 , 是會幾多功課的 . 校風嚴謹 .
如果家長理念不附, 就唔好選佢呢一間學校.

而手機是不準帶回學校 ,就算沒開機 ,但如果有老師, 領袖生見到, 也會記錄處罰 , 雖然第一城管理好, 食店多 , 但6年也不會外學生出食 lunch . 就算己有 17, 18 歲的 F.7 的 學生 , 都係留校食 . 運動不會多鼓勵 , 多是學生自己報名參加 , 不是用學校名義報名 .

我即時講 , < 呢間乜野學校黎 , 乜返學要人喊住返 ,我死都唔讀呢間 > , 如果唔係讀開佢間小學, 真係要諗清楚 . 而佢小學的學生, 都係在統一多揀佢, 校長話在自行收生時 , 去年都有收 10 + 個自己小學 , 而成績又係到位的.

所以咁睇機會, 又肯遞表, 係 BAND ONE 女生計 , 入表不會太多.
如果你揀選 SRL , 希望你早些訓練 , 就是知道不會是開開心心上學

如果係BAND 1生, 若英文好, 我相信機會都大, 因為小學部既, 成績好既都大都可以走都走. 而學校對成績稍遜既同學支援....... ??? 一上中一, 家長們都科科搵補習. 不過校風是嚴緊的. 對服從性高及自控能力高的同學, 又能配合到學校既文化同方法, 亦是一個好選擇.

你好！我係培道中學既畢業生，而我家姐讀過聖羅撒書院架，所以應該可以答到你既。（以下有D想法係我既主觀感受黎，可以俾你作參考）
培道係Band 1尾Band 2 頭既學校黎，而聖羅撒係Band 1中既學校黎既
我首先講下培道中學既好同唔好啦。
培道校園環境優美，一面課室窗出面望到花草樹木好靚，另一面雖然對住市區但係都可以見到好遠既風景（係HK黎講可以叫十分好！）而且學校又大，要有既設施都好齊全，圖書館有兩層仲有落地玻璃。而且師資優良，老師好俾心機教書，而且好肯幫我地補底呀，補課呀咁。學校校風由以前到而家一直都好好，以學生品行同學習氣氛為主。而且係比賽方面都幾出色，攞好多全港性既獎項。
而壞個方面，學校既校規都幾嚴，例如對由頭髮，眼鏡，耳環，校服，底裙，鞋既要求都幾高，每朝早都有風紀同老師企係門口監場，一犯左就寫紙扣分。老師（特別係訓導）都幾嚴格，特別對低年級既學生，去到高年級就好人D，感覺亦師亦友既，但係有好多補課＋某年暑假有幾個禮拜既summer sem，暑假仲要返學都幾苦架。而且學生成績有好有壞啦，當然有好多好TOP既學生，但係好似我果班咁，有一半人過唔到DSE最低標準，但係都有幾多人入到大學，所以你肯努力都唔怕話入唔到大學既。高年級既學生先可以出街食飯，低年級學生要帶飯／買飯堂既飯（學校有廚師煮飯架，可以健康D）。校服長衫都幾煩，D鈕好鬆，大動作D就成排爆開，而且係窄身設計，所以做咩都要細動作D。
不過總括而言我覺得我係呢間學校過得好開心，好懷念係學校既生活：）

而聖羅撒呢，我就講唔到咁詳細，佢地品行都係好好既，老師都好好人（我家姐都可以同D老師做朋友）成績都會比培道好D既
不過佢地讀書壓力都幾大，英文係跨級咁讀（即係F．1讀F．2既英文，F．2讀F．3既英文）特別係精英班仲大，而且6年都唔俾出街食飯，唔俾帶手機咁，而且BAND 1學校大多要靠自己自學，靠老師既成份不多，所以真係要自己加把勁。 如果想再參考下可以睇下聖羅撒學生既意見 IN
http://hk.knowledge.yahoo.com/question/question?qid=7006082901643
我家姐都話讀呢間學校好開心既

其實我都幫唔到你決定邊間好D，不過睇下你既能力去到邊同你追求D咩校園生活再自己決定啦
希望可以幫到你啦：）