真係嬲到喊 男友又賭 唔知點搞

我男朋友先19歲就開始學人賭
初初同佢一齊個時都冇賭波既行為
係一齊左半年左右已經比我發現佢識賭
成日都比我知道同d朋友係到討論波經 出街又成日禁馬會個app
同d朋友開左個group成日wtsapp講賭波心得
每次出街比我知道佢又成日賭 睇到佢同d朋友講賭 我真係勁炆
而因為咁都已經嘈過下
之後因為佢冇番工 冇收入都開始冇賭得咁多
個時都幾開心 知道佢冇再賭 以為佢真係改過 識諗
之前輸左成萬 賣左部iphone5 都唔反省 今日又話比我知佢有賭
佢都幾誠實 話比我知佢又去拎d錢賭 但我知道完真係好嬲
佢仲要話:100蚊咋嘛 少少地 咪拎去當做善事 你理我咁多做咩姐
佢係覺得完全冇問題 我真係唔明 咁細個人就成日拎d錢去賭 大個左咁點?
我話我真係好唔鐘意你賭 根本你之前都唔會賭 d朋友賭你又去賭 好唔成熟
其實我bf真係都幾唔成熟下 冇咩主見 同埋+上我真係好唔鐘意佢身邊d朋友
成日都叫佢一齊賭 互相係到借錢 話題離不開打機+賭錢
我已經成日話:我覺得你D朋友真係好唔健康 教壞哂你
但我都明 冇理由突然之間叫佢同D朋友絕交 所以我都唔可以做D咩
本身我話係 佢一開始語氣都話:得啦得啦 賭好少咋嘛 你唔好理啦
之後嘈到幾火下 之後佢終於爆左句話:我要賭就賭嫁啦 你阻到我咩?我係咁嫁啦
我聽到之後真係火爆 因為之前佢都話過 佢唔會再賭
依家諗下諗下 原來佢唔賭咪又係因為個排冇番工冇錢先唔賭
呢排有番工 今日就拎去買波 100蚊 覺得好小數目 當娛樂
佢根本就識賭 真係唔明佢賭黎做咩?
之後仲講左D難聽既說話 話:你都係驚我賭哂D錢冇錢同你出街咋嘛/你唔想我賭咪又係因為你驚我冇哂D錢 如果唔你點解咁唔想我賭 我賭我既事 影響到你?
佢咁講 我真係o左 我都唔知可以反駁咩好 佢賭又真係好似唔關我事
不過佢d態度同語氣真係好討厭好唔成熟 我真係覺得好難頂
唉 已經唔係第一次了 我覺得都會繼續有
次次嘈完/話分手 之後我又比較心軟會一齊 但我真係頂唔順一個咁唔成熟既男仔
我本身都唔係一個成熟既女仔 但就連我都覺得佢仲比我更唔成熟囉唉
就例如每次聽佢平時/鬧交講d野 真係覺得佢成個細路仔咁 低b咁
事後又會話 我嘈個時講d野衝動嫁咋 唔好當真
其實我覺得係真心 衝口而出既說話往往都係發自真心啦 之後又當冇事
但每次諗番佢咁話咁睇得我 我個心真係頂住頂住
我真係唔知點好 根本要賭真係阻唔到佢咁多
我都唔明點解我要咁介意佢賭tim 其實如果我唔介意咁咪唔會嘈囉
當佢講話:我賭我事啦 關你咩事? 我個下真係無言以對
+上佢身邊個朋友又成日叫撩佢賭 仲成日都借幾千比佢朋友賭波/還錢 佢都唔覺有問題 我都唔可以阻到d咩啦
好鬼難頂 嘈完之後岩岩d態度仲要勁串 覺得冇絲毫問題 好鬼嬲 仲叫我咪搵佢咪煩佢
遲d又可能扮冇事又照常落去 係咁重覆呢d劇情真係好無奈
我都唔知點 可能呢個男仔都唔係好合適我? 其實我有時自己問心都覺得係....