提取強積金一問

man 網友你好！對於閣下 的提問，在下 cecimak 有如下的意見想發表，但請注意這些個人意見祇供你作參考之用，並不保證絕對正確！

想拎強積金但無銀行戶口可以點？

答：無銀行戶口便無法兌現強積金受託人發出的支票，因這類支票為保障收款人本身權益，必定會以劃線過戶的形式發出，故無銀行戶口便有問題！


另外如果我20號宣誓（例如：我話2月25號離開香港），但強積金要30日內先會寄票俾我，咁寄票俾我時我應該番黎香港開戶口拎錢定係點呢？定係我要寫個日期喺30日後先離開香港呢？

答：你提及的這兩個辦法也可以！

但你亦可在離港前預先開立銀行賬戶，並通知通訊地址中的收信人，不論是家人朋友也好，要求他們在收到票後代你存入已預先通知賬號的銀行賬戶內（當然是要跟你名字相同），那你便無需特意回港處理！

如果你持有提款卡，或使用網上銀行或電話銀行等服務，便可以在外地遙距處理名下賬戶中已過數的款項！


有無話特定要邊間銀行呢？

答：無指定！基本上所有銀行也可以！不過個人意見最好選非你破產時曾屬債權人的銀行會較好！


同埋我之前係破產人士，但已經解除左破產令，咁樣有無問題呢？

答：祇要破產令確已解除，則絕對無問題！但假若破產令原來仍然有效，則這些自行提前領取的強積金便會失去強積金條例的保障，而會全數被充公還債！

故請先確定自己的破產期令已解除！