✔ 最佳答案
一般做法, 清走石春, 沙泥, 挖深少少, 先鋪砂泥, 面再鋪純泥 (較美觀), 完工.
再答你問題 (個個師傅做法唔完全一樣, 而且未見過你個位, 僅作一般參考)
1. 你可以咁做, 但注意完工後工地會比水平面高, 所以要喺邊位加斜位, 防尖角. 多數唔咁做, 因為外觀幾唔好睇吓; 你個位都唔會深啦, 唔駛放石仔 (當然你鐘意也可); 倒砂泥唔止喺石仔面, 係要完全覆蓋石仔間所有石縫.
2. 唔駛加石仔. 只可說有人會咁做, 個人甚少見.
3. 同 (2) 一樣唔駛, 如果你一定要咁做, 通常做法都會鋪一層沙泥做底, 約六成乾前再放石仔, 壓實石仔, 上面再鋪層沙泥將石仔完全覆蓋.
4. 基本上開好嘅英泥沙流唔到入石縫喎 (以石仔size 來說), 會嘅就係砂泥太稀 (泥唔夠), 要穩陣一定要落足泥, 無得慳; 要填石仔之間嘅石縫, 實在要靠手勢同經驗, 只可以講就係一路落泥一路壓, 壓到泥從石縫漏出就先叫夠; 唔駛放布嘅, 通常係防人水狗等乾先放. 重點係唔好搞花個面.
5. 要幾厚就要視情況, 還要視乎地基, 人行通常4吋左右夠哂, 車行就要睇有幾重, 同行走密度. 小弟做開室內, 呢方面真係唔識計, 好多時見行車嘅都係加鋼板做面, 也許你可參考一下.
6. 完工無嘢要加喺面, 最多都係上色, 或乾之前喺上面畫痕, 等佢咬地啲, 無咁滑, 基本上用水開嘅泥都會裂, 分別係幾耐, 因素係開泥手勢, 鋪泥手勢, 同上面受幾重壓.
7. 要睇點裂, 頭髮絲咁裂無得補, 唯有等佢裂勁啲先搞; 甩到一塊塊嘅, 就搵鎚扑埋甩出嚟附近位置, 清埋啲鬆散嘅, 之後鋪泥填平.
你個位有 30' x 7', 可考慮留條小坑 (伸縮帶), 防佢冷縮熱脹整裂個面.