蒸餸有什麼不健康

呢幾日介紹過點解要食好油、拒食壞油，因為我係文中提及，食物只喜歡用水煮或蒸，好多朋友問點解？咁咪好多嘢唔食得？！不過，為咗健康都係面對現實啲好！


以拒食高溫烹煮嘅食物，原因有三個：


1）高溫烹煮加熱，會讓食物產生毒素並破壞許多必要嘅營養成分，包括酵素。酵素係形成生命嘅重要成分，對身體各機能都有作用，最重要係令消化良好。食咗高溫烹煮嘅食物，身體就必須自己製造酵素黎消化食物，增加腸胃負擔。


2）肉類經過燒烤會產生致癌成分，呢個早已係鐵一般嘅事實，燒烤時肉類脂肪會製造出好幾種化學物質，會破壞血管、器官及足以損害免疫系統嘅自由基。


3）2OO2年瑞典一份研究報告顯示，碳水化合物晌高溫加熱過程中會釋出一種Acrylamide毒素，美國CNN新聞網、英國BBC及各大國際媒體都報導過呢個消息。研究指呢種毒素會損害神經、造成感覺喪失、發炎、早衰老、動脈硬化、膽固醇指數升高、腎功能衰退及癌症等！
如果你有睇上期我介紹壞油會產生反式脂肪酸，試想一下：用唔可以高溫煎炒嘅油黎大火炒飯或麵，變相等於「炒毒」西多士要叫毒多士！唔係嚇你架！要面對現實！


點煮最安全﹖
煮食物只要溫度唔超過100度，就無毒素嘅問題，所以蒸、煮食物最安全。水係一種奇妙物質，無論點加熱，佢最高只會達到攝氏100度。食火鍋、滷味、燉肉、飲煲湯、水煮白灼、蒸餸真係健康啲架！
如果真係鍾意食香口啲，用合適嘅油（如葡萄籽油）小火煎炒一下亦可！