我想結束呢件事,可以點做?

我係學校識左女仔,我初初同佢唔熟,但係唔知點解我慢慢同佢變左BEST FRIEND,FRIEND到D人都講我地拍拖咁
咁樣FRIEND法,當時我真係好驚自己鍾意佢,同埋佢做個D野好容易令到人誤會,例如有次我同佢傾計,傾下傾下我同佢講：「不如我地拍拖吖。」,佢就即刻捉我隻手話：「好呀,就現家啦！」,我冇理到佢,仲話佢痴線,之後佢仲講過如果我唔理佢嘅話佢會喊,其實呢點我都唔係好信,直到有次,我發現男仔A好似對佢有feel,A好主動,有次我同個女仔出街,A都黎埋,果日都幾開心,只係唔想A係到,搞到我同個女仔傾唔到計
事後個女仔同我講話同我和A出街好開心,搞到我覺得佢係咪鍾意A,有次真係比我問到,原來佢真係對A有feel,仲無啦啦講埋對我都有feel,我又話佢痴線,個晚,我同A傾電話,我真係估中左,佢對個女仔都有feel,於是我就講埋個女仔同時對佢都有feel,佢好開心,第二日夜晚,佢打電話黎,話佢自己比左初吻個女仔,我膚衍咁講左兩句就收左線,我好失落,呢一刻先知道自己係鍾意左個女仔,跟住個兩日都冇搵個女仔
第三日,我約左個女仔出黎,我一同佢見面佢就即刻喊,仲問我做咩唔理佢,我講左原因之後,第四日佢同我講話,我地做FRIEND比較好,話唔想冇左我先咁做,個一刻只係知我再一次追唔到女仔,咁多次都冇次得,我好後悔同A講左個件事令到佢地一齊,我只係覺我冇利用價值,既然佢都有男朋友,冇必要要我呢個FRIEND,更何況最辛苦既係佢只係我朋友,我之後都好少理佢,有次仲同佢發左少少脾氣,我話我對佢都唔重要,我冇理佢咁多日,佢都冇影響,點解仲要講到我咁重要,之後關係好差,但係我覺得呢件事味結束,仲乘日聽到同接觸到佢同A D野,搞到我好亂,慢慢影響到成績,我嘗試去唔諗呢D野,專注係學業到,但係我做唔到,我想結束呢件事,可以點做?