✔ 最佳答案
大學會計唔似中學會計, 中學會計係做報表多, 但大學會計主要學standard, cases. 計數係有, 但係你要明白個standard教你點做先識計, 例如某個情況下會計處理情況係點? 在一連串交易下, 個客點解要/不要納香港稅款? 等等. 所以大學讀會計, 甚至出去考公開試, 係考文字多過計數.
還有, 讀會計亦要讀Business law及Company law, 讀taxation亦會接觸稅務條例及影響稅務處理的案例, 所以你英文唔可以太差. 英文對於你將來搵工亦係好重要, 唔係擅長文科唔係你唔需要讀好英文理由, year 4開始前就好操到最好, 因為year 4開始就要搵工.
大學會計就算讀econ都只係讀基本野, 佔大學全個會計課程好少比例, 大約似舊制中四至中七econ要讀既野.
Computing需要比較好的數理能力及分析能力, 電腦主要程式語法你要識, 科技日新月異, 你亦需要不斷update自己. 讀電腦會接觸唔少關於工程的東西, 這需要很強的數學能力.
2013-02-10 17:03:48 補充:
成績我唔大多講, 你自己上JUPAS或ATU網頁睇就會知各大學收生成績. 個人及技能方面, 工管係增強社交圈子的好機會, 亦需要你去好好把握, 現今社會好著重人際關係, 識人介紹(特別職位高的人)你去搵工著數好多. 還有要有國際及商業視野, 讀商科係不能缺少.