F3選科(chem or bio),急!

我宜家都係讀中三，不過我可以給一Ｄ資料

1)　我間學校chem用英文讀,bio就中文,咁邊科好讀?
既然chem同bio係要二選一，我就覺得你應該選一個能力較強的科目。

Chem同bio好有用，我都諗住讀呢兩科。不過，其實呢兩科都要用好多技巧。Form3 Chem都係背誦，而bio也唔難掌握。但係你到高班時候，你背之餘也要運用。Bio題目可以千變萬化，同埋要背野好勁，好多時學生都因為呢D題目而失分。不過你做多些練習就會累積concept。另外，呢兩科好講你識唔識，唔係只靠書本就可以過關的。另外，高班bio係淺咗D，不過能力訓練更高，有時你會被題目整估，更加有好多題都係書中冇直接講到。其實bio答題好講你答唔答得中重點，回應題目係好重要。Chem同bio個個都話中四好辛苦，所以一定要溫得好熟。另外Chem方面，高班有好多數計，要做好多實驗，不過計數唔難。最緊要係Chem仍然有好多野背，並唔係唔使讀書！（Form 3化學科你應該會學原子鍵，但每年出原子名同符號表都累好多人，一定要背！）

2) 我maths唔係好好,咁讀chem會唔會好辛苦
你數學唔得姐係幾多？Chem雖然有好多計數，但唔太難，起碼冇phy咁多。不過，如果你數學唔得，我建議你都係選生物穩陣。

3) 另一科我唔知讀中國文學,history定econ?呢三科高中讀乜?

中國文學科應該都好少人讀，你中文閱讀同寫作能力一定要好好，唔係選唔到中國文學。呢科都有好多野要背誦，有課文要學習，唔可以因為文言文而我分。文學會教詩　散文　小說　戲劇。仲有，文學科要求你要有一定評論能力同表達能力，較多長問答題，你應考慮清楚

至於History都OK。你的語文能力同評論能力也要有一定程度。文憑試歷史科只有資料題同評論題。在資料題方面，你要明白每個資料講的內容。History也要要求你記憶好好。用資料同own knowledge要分清楚。不過History對通識也有好大幫助，訓練批判和多角度思考。另外，寫essay係背，不過好睇你講議題講唔講得深入，申述夠唔夠清淅，千奇唔好寫多餘野。只要你背，深入地分析都會有13/15 分。有時候History也可能因答不中重點而我分。不過我覺得History較易。高中只會讀二十世紀的歷史，包括現代化與蛻變和國際關係，好貼你中三課程。

Econ也較易取分，比較實用。如果你想讀經濟，你都要改善你數學成績。好多理論要背，初頭唔難明，但之後會好深。都有選擇題同問答題。Econ好對你影響可以好大

我係你我會選bio + econ

記住，你中三所有科目都要讀，讀好仙可以選科。希望資料可以幫到你，加油，新年快樂！

2013-02-08 00:00:25 補充：
修正:有時候History也可能因答不中重點而失分。sorry

你要考慮大學讀什麼科目或將來做什麼職業, 才選科目.
Chem.困難過 Bio. 尤其在大學.
Bio 只是繁多, 要死記.Chem 深時, 理論多,比較抽象, 要了解 concept 尤其.Atomic Structure. Chem的數不太深.

Econ實用, 中文底子好才讀中國文學, 還要有興趣, history 比較 interesting

English 非常重要, 尤其Science, Business, Engineering, Law, Medicine
大學Textbooks 是英文

1&2)如果你將來有意讀醫科ge話,chem會比較好
如果全級有18名ge話,Maths應該5算太差,讀Chem ge話都應付到
bio就要睇睇你F.3 bio科成績點,bio比較多野記,記性好就ok,D實驗會比較有趣D,如
果你頂5順解剖老鼠尼D實驗就5好choose la,不過5知你間學校有冇解剖實驗,你可 以問下你老師先
3)中國文學比較多野背,我依加都修緊文學。文學初期教古詩,有D片章比較長,背起上尼比較困難,可能有D悶,要認真考慮清楚。
至於history都OK,只要你本身對history有興趣,讀起上尼就輕鬆D。初初係由WWI開始講起。
Econ ge話都要考慮到maths好5好,比起chem會有更多數要計,但係出路會幾好。

1)
你maths唔係好好,讀chem會有D辛苦
如果你讀bio記性一定要好好
2)
文學一樣有好多野背,我個friend差吾多堂堂都要點書,而且中文嘅理解能力都要好好(一定吾可以驚睇文言文)
history記性一樣要好
econ其實都可以算係一科理科,maths好嘅人會覺得比較易讀

Econ易讀D
大學Medic,Nurse呢D正科要bio!!!

1)我間學校chem用英文讀,bio就中文,咁邊科好讀?
2)我maths唔係好好,咁讀chem會唔會好辛苦?
讀bio比較好,maths唔係好好,so,讀chem會好辛苦...
3)另一科我唔知讀中國文學,history定econ?呢三科高中讀乜?
讀Econ,出路多,Econ當然係讀經濟.....(`_">^< )

2013-02-07 18:22:11 補充：
文學一樣有好多野背,我個friend差吾多堂堂都要點書,而且中文嘅理解能力都要好好(一定吾可以驚睇文言文)
history記性一樣要好