✔ 最佳答案
macbook 係手提電腦嘅其中一種, 你條問題等如問: iPhone 同手機有咩分別?
macbook, notebook, 同 netbook 都係手提電腦, 三者分別如下:
macbook: 蘋果公司出品嘅手提電腦專用名稱, 見到呢個字, 就肯定係 Apple 產品. 系統就當然用返 Apple 嘅 OS X 啦 (新機)
notebook: 簡單說, 原設計為桌面機嘅濃縮版, 可以帶出街用, 但今時今日多數為咗慳地方; 以同一價格來說, 規格較桌面機遜色, 且硬件較貴, 以前擴充性能比桌面機細得多, 但USB介面嘅普及已大幅改善. 同樣有廠機及砌機, 但以廠機為極大多數, 系統現多用 MS Win7 或 Win8, 版本通常為高階版本.
netbook: 基本和 notebook 一樣, 設計以上網及簡單文書為主, 規格比 notebook 低很多 (CPU, RAM, HDD......), 僅滿足上網需要; 系統大多數用返 MS Win7 或 Win8 , 但通常都係初階版本, 該版本很多如網絡, 分享, 特別功能等皆無. 最大賣點就是價格很平. 但隨著平版電腦興起普及, 這個手提電腦級別漸被淘汰.
macbook 同 notebook 都有不同快慢型號, 所以難比較誰快誰好. netbook 可說是手提電腦中嘅最低級別, 效能比以上兩者為低.