喜歡了水瓶座!!!水瓶女請幫忙!

好多人話水瓶座好飄忽, 我係處女座, 本應同佢唔係好夾, 唔知係咪佢月亮星座都係處女座既關係, 所以我地之間相處好愉快, 好夾咁。

其實我地都識左兩年幾, 係近半年開始熟絡, 我地多數都係講笑, 但亦都會傾計, 佢有問題都會肯話我知, 我會幫佢諗辦法, 佢知我有唔開心都會開解我。時不時我都會whatsapp佢, 多數都會覆, 有時可以傾好耐, 有時就一句起兩句止...

有時都會約出黎玩, 佢話過星期六,日都可以約佢, 仲有幾次係佢主動約我。錢銀方面佢比較分明, 淨係俾我請佢食過一次野。只係上年聖誕送左條佢之前話想要但冇買到既頸巾俾佢, 好在佢接受左份禮物

因為同事關係, 差唔多日日都等埋一齊先放工, 而且我發覺佢跟我講我D口頭蟬, 又學我D小動作...由初初佢話"我地唔係同事, 係朋友", 又話過"唔知點解見到你就想笑", 知道我請假又無啦啦講左句"咁我地咪好耐冇得見?" 到最近目睹我跌倒, 佢喊左出黎, 事後問返佢話"見到你跌親, 唔知點解D眼淚就流出黎, 好似自己跌親, 好痛咁", 我果下呆左...

其實咁係代表咩呢?

D人又話水瓶女對朋友同對中意果個既表現差唔多, 我係咪只係佢好重視/珍惜既好朋友ONLY呢? 因為之前幾個人出黎食飯果時, 佢有講過話"而家唔諗其他野, 朋友最重要"
而且佢同個男同事又好似幾好咁...但係佢又同我講話個同事好似女人咁...

我都唔知自己講緊咩...好亂,希望水瓶女幫幫手!!!THX!!!