家居電力供應問題

一定有跳掣，你個總箱有多個跳掣，其中一個叫水氣掣，水氣掣跳就全部插座都冇電，其他係過荷掣，只會影響某啲插座，水氣掣跳就好易見，過荷掣跳就有時好難見到，你要逐個掣關上再開確定。

你的情況有點不妥

如果屋內電箱冇跳掣(包括總來電:一般是60A那個大一點的MCCB)
怎會全屋冇電呢?

如果電錶房的意思是供應你單位的那個電錶位的掣冇跳，咁家裏的電箱就應有電，點都唔會全屋冇哂電。除非你話電錶房冇跳掣的意思是全大廈各層的配電箱冇跳掣(即是同樓層其他住戶都有電...單單是你家的電箱冇電)，咁可能是個錶前掣跳了，這是大廈分給你屋的電錶前的一個MCCB，原則上跟你屋內的電箱的樣式和負荷是應該一樣，由這個是由大廈/電力公司安裝的，有機會比較你屋內的電箱的MCCB敏感，所以當你電鋸漏電，屋內的保護裝置不跳掣，可能這個錶前掣跳了，所以結果全屋都冇電，但大廈同層其他的供電都冇事。

如果檢查是這樣，就算打番開供電也不要開這電鋸，先要關掉和拿電鋸去檢查絕緣。因為如果只係過載(可能電鋸鋸的東西大硬)都只會燒插頭的13A fuse，或者跳了個別MCB(插住電鋸那組插蘇的socket-mcb)，唔會全屋有電的，唯有漏電才會跳所的水氣掣(錶前掣有機會亦是這類)才會全屋總冇電。

如果你是舊一代的或者村屋又可能另一情況，上面講的錶前掣可能是一種電溶的fuse(常見是一長型盒-裏面才安裝fuse)，所以同樣燒了便全屋冇電了。

以上全是靠估。去找間有水電牌的五金店問吓，他們熟悉你地點和裝置類型可能更快找出原因。錢是市價冇答案，自己都做不來的是要付出代價。