請問對換澳幣邊度對得多D?

基本上, 港幣係外地並不太受歡迎, 兌換率好低, 可以比香港差 20% 的. 因此, 必須係香港兌換澳元. 香港機場一定是貴的, 不用考慮.

至於係邊度換錢, 如果你只換不多的數目, 例如 1000 澳元, 咁每間銀行相差最多只會係 20 - 30 蚊左右, 免得過都費事麻煩, 去返自己有銀行戶口個間換啦, 咁樣唔需要手續費. 如果你有幾間銀行既戶口, 避一避 HSBC, 恆生等大銀行就比較好. 細銀行既 RATE 係好 D 既... 但要注意唔係間間分行都有外幣兌換, 你要去問一問先.

但如果你係中環一帶出沒, 就去百年找換啦. 匯率較便宜, 相對銀行來說, 每換 1000 澳元可節省近 80 - 100 港幣的... 如果你只換少量, 求其啦, 時間及車錢也是成本的...

你要去幾星期, 是否一次過換晒所有澳元 ?? 咁你咪身懷巨款??? 十分影響你的活動 !!! 考慮在澳洲以提款卡提款啦. 以 HSBC 為例, 唔理你提幾多, 每次收 40 蚊手續費. 咁樣你可以先換 2 - 3 星期的駛費先, 餘者去到澳洲先提款, 方便安全.

但要注意, 你需要先去 HSBC 啟動海外提款服務才可以.